Nakul Bhoir Murder: बॉयफ्रेंडला वाचवण्यासाठी पिंपरीच्या भावी नगरसेविकेची धडपड, पण घामाच्या वासाने फुटलं प्रेमाच्या त्रिकोणाचे बिंग

नकुलच्या हत्येला आठवडा उलटला तरी प्रियकर सिद्धार्थ पवार याचा मोबाइल फोन अद्याप मिळून आलेला नाही. त्यातून गुन्ह्याशी संबंधित महत्त्वपूर्ण माहिती आणि पुरावे मिळण्यास मदत होईल, त्यामुळे मोबाइल फोन हस्तगत करण्यासाठी पोलिस कोठडीत वाढ करण्यात यावी, असे पोलिसांनी न्यायालयात सांगितले. त्यानुसार न्यायालयाने चैताली आणि सिद्धार्थ या दोघांच्या पोलिस कोठडीत रविवारपर्यंत (दि. २ नोव्हेंबर) वाढ केली.

चैतालीने नकुलच्या हत्येचा कट रचला आणि प्रियकराच्या मदतीने तिने नकुलचा जीव घेतला. चिंचवड पोलिसांच्या तपासाने हत्येच्या घटनेमागील सत्य समोर आलं असून, या प्रकरणी पुढील कायदेशीर कारवाई सुरू आहे. महत्त्वाचे म्हणजे सिद्धार्थ-चैतालीच्या प्रेमसंबंधावरून नकुलशी वाद होत होते. प्रेमसंबंधाच्या आड येत असल्याने दोघांनी नकुलला कायमचं संपवण्याचा निर्णय घेतला. ज्या दिवशी हत्या झाली त्या दिवशी कुलने तिला मारहाण केली. तिला मारहाण झाल्याने प्रियकर सिद्धार्थचा राग अनावर झाला. दोघांनी संगनमताने ओढणीने नकुलचा गळा आवळून खून केला.

नकुलच्या हत्येनंतर चैताली प्रियकराला वाचवण्यासाठी पोलिसांची दिशाभूल करत होती. मात्र ज्या ओढणीने नकुलला ठार मारलं त्याच ओढणीमुळे सत्य समोर आलं आहे. चैताली आणि तिचा प्रियकर दोघांनी मिळून नकुल यांचा गळा ओढणीने आवळून संपवलं. यानंतर सिद्धार्थ त्या ओढणीला जाळून पुरावे नष्ट करण्याचा प्रयत्न करत होता, कारण त्यावर नकुलच्या घामाचा वास आणि पुरावे होते. एवढचं नाही तर चैतालीने पोलिसांना दिशाभूल करण्यासाठी दुसरी ओढणी दाखवली. परंतु तपासात मूळ ओढणीबाबत सत्य समोर आलं. पोलिसांनी ती ओढणी जप्त केली आहे.

मृत नकुल भोईर हा पत्नीला नगरसेवक बनवण्याच्या तयारीत होता. नकुलचा सामाजिक कार्यामध्ये मोठा वाटा होता, मराठा क्रांती मोर्चाच्या अनेक उपक्रमामध्ये तो जिकरीने सहभाग घ्यायचा अनेक संघटनांची देखील त्याचे संबंध राजकीय नेत्यांशी देखील त्याचे जवळचे संबंध होते, सामाजिक कार्याचा वारसापुढे चालवण्यासाठी त्याने आपल्या पत्नीला नगरसेवक बनवायचे ठरवलं होते यासाठी आगामी पिंपरी चिंचवड महापालिकेच्या निवडणुकीमध्ये तो त्याच्या पत्नीला उभे देखील करणार होता. त्या अगोदरच चैतालीने पतीला संपवलं.