चिखली पोलिसांची तत्परता! गहाळ झालेलं लाखो रूपयांचं सोन्याचं मंगळसूत्र अवघ्या काही तासात 'असं' शोधलं

मिळालेल्या माहितीनुसार, चिखलीतील पाटीलनगर भागात राहणाऱ्या आश्लेषा राजाराम काळे (वय ३४) या ३० नोव्हेंबर रोजी घरगुती सामानासाठी बाजारात जात होत्या. त्यांनी आपलं सोन्याचं मंगळसूत्र गळ्यात न घालता पर्समध्ये ठेवलं होतं. मात्र, वाटेत पाण्याच्या टाकीसमोरील रस्त्यावरून जात असताना पर्समधून हे मंगळसूत्र निसटलं आणि रस्त्यावर पडून गहाळ झालं. घरी आल्यानंतर मंगळसूत्र पर्समध्ये नसल्याचं लक्षात येताच काळे कुटुंबीयांची मोठी धावपळ झाली.

तपासादरम्यान सीसीटीव्ही फुटेजमध्ये एक महिला रस्त्यावर पडलेली वस्तू उचलताना दिसली. पोलिसांनी तांत्रिक विश्लेषणाच्या आधारे त्या महिलेचा शोध घेतला. पोलिसांनी संबंधित महिलेशी संपर्क साधला. अखेर खातरजमा केल्यानंतर पोलिसांनी आश्लेषा काळे यांना पोलीस ठाण्यात बोलावून त्यांचं मौल्यवान मंगळसूत्र सुपूर्द केलं. हरवलेला ऐवज सुखरूप परत मिळाल्यानं काळे कुटुंबीयांनी चिखली पोलिसांचे मनापासून आभार मानले आहेत.