शेतकरी होणार मालामाल, एकरी कोटींचा मोबदला, आणखी काय मिळणार फायदे?

पुणे : पुरंदरमध्ये छत्रपती संभाजी महाराज आंतरराष्ट्रीय विमानतळ उभारण्यासाठी भूसंपादनाची प्रक्रिया सुरू झाली आहे. मात्र याला काही शेतकऱ्यांचा विरोध आहे. त्यांचं म्हणणं आहे की, शेतीचा योग्य मोबदला मिळत नाही. हाच प्रश्न सोडवण्यासाठी प्रशासनाने शेतकऱ्यांना प्रति एकर एक कोटी रुपयांचा मोबदला देण्याचा प्रस्ताव राज्य सरकारकडे पाठवला आहे. तसेच जमिनीवरील घर, गोठा, विहीर, बोअरवेल, पाइपलाइन, फळझाडे आणि वनझाडे यांचे मूल्य ठरवून त्याच्या दुप्पट नुकसानभरपाई देण्याचा प्रस्तावही करण्यात आला आहे, अशी माहिती जिल्हाधिकारी जितेंद्र डुडी यांनी दिली.