Trending:

IND vs SA : भारत-दक्षिण आफ्रिका सामन्यात तुटली 5 महारेकॉर्ड, हार्दिक-बुमराहने इतिहास घडवला!

Published by:Shreyas Deshpande

Last Updated:December 09, 2025 11:34 PM IST

भारताने दक्षिण आफ्रिकेविरुद्धच्या पहिल्या सामन्यात 101 रनच्या रेकॉर्ड अंतराने विजय मिळवला आहे. कटकमध्ये झालेल्या या सामन्यात हार्दिक पांड्याने नाबाद 59 रनची खेळी केली.

इम्पॅक्ट शॉटतुमचा गेटवे लेटेस्ट न्यूज

भारत-दक्षिण आफ्रिका सामन्यात तुटली 5 महारेकॉर्ड, हार्दिक-बुमराहने इतिहास घडवला!

कटक : भारताने दक्षिण आफ्रिकेविरुद्धच्या पहिल्या सामन्यात 101 रनच्या रेकॉर्ड अंतराने विजय मिळवला आहे. कटकमध्ये झालेल्या या सामन्यात हार्दिक पांड्याने नाबाद 59 रनची खेळी केली, त्यामुळे भारताने 20 ओव्हरमध्ये 175 रनपर्यंत मजल मारली. या आव्हानाचा पाठलाग करताना दक्षिण आफ्रिकेचा फक्त 74 रनवर ऑलआऊट झाला आहे. या विजयासोबतच भारताने 5 मोठी रेकॉर्ड केली आहेत, तसंच हार्दिक पांड्या आणि जसप्रीत बुमराहने इतिहास घडवला आहे.

पहिल्या टी-20 मध्ये तुटली 5 रेकॉर्ड

बुमराहचं शतक : जसप्रीत बुमराहने आंतरराष्ट्रीय टी-20 क्रिकेटमध्ये 100 विकेट पूर्ण केल्या आहेत. टी-20 आंतरराष्ट्रीयमध्ये 100 विकेट घेणारा बुमराह दुसरा भारतीय बॉलर बनला आहे. 78 इनिंगमध्येच बुमराहने हे रेकॉर्ड केलं आहे. याआधी अर्शदीप सिंग टी-20 मध्ये 100 विकेट घेणारा भारताचा पहिला बॉलर ठरला होता.

कीपरच्या सर्वाधिक विकेट

एका टी-20 सामन्यात सर्वाधिक विकेट घेणाऱ्या विकेट कीपरच्या यादीत जितेश शर्मा दुसऱ्या क्रमांकावर आला आहे. दक्षिण आफ्रिकेविरुद्धच्या पहिल्या टी-20 सामन्यात जितेशने 4 विकेट घेतल्या. याआधी एमएस धोनीने चार वेळा एकाच सामन्यात 5 विकेट घेतल्या होत्या.

टी-20 मध्ये 100 सिक्स

हार्दिक पांड्या आंतरराष्ट्रीय टी-20 क्रिकेटमध्ये 100 सिक्स मारणारा चौथा भारतीय बनला आहे. याआधी रोहित शर्मा (205) सूर्यकुमार यादव (155) आणि विराट कोहली (124) यांनी 100 सिक्सचा टप्पा ओलांडला होता.

दक्षिण आफ्रिकेविरुद्ध तिसरा मोठा विजय

कटकमध्ये भारताने दक्षिण आफ्रिकेचा 101 रननी पराभव केला. आंतरराष्ट्रीय टी-20 क्रिकेटच्या इतिहासातला भारताचा दक्षिण आफ्रिकेविरुद्धचा हा तिसरा सगळ्यात मोठा विजय आहे. तर भारताचा घरच्या मैदानातला दक्षिण आफ्रिकेविरुद्धचा हा सगळ्यात मोठा विजय आहे.

तिलक वर्माच्या हजार रन

तिलक वर्मा 25 वर्षांच्या वयात एक हजार आंतरराष्ट्रीय टी-20 रन करणारा पहिला भारतीय खेळाडू ठरला आहे. तिलकने 23 वर्ष आणि 31 दिवसांचा असतानाच हा विक्रम केला आहे.

view comments

Location :

Cuttack,Odisha (Orissa)

First Published :

December 09, 2025 11:34 PM IST

IND vs SA : भारत-दक्षिण आफ्रिका सामन्यात तुटली 5 महारेकॉर्ड, हार्दिक-बुमराहने इतिहास घडवला!