Kuldeep Yadav : ऑस्ट्रेलिया दौरा सोडून आला, आता दक्षिण आफ्रिका सीरिजही मध्येच सोडणार, कुलदीपने BCCI कडे मागितली सुट्टी!

मुंबई : भारताचा स्टार स्पिनर कुलदीप यादवने बीसीसीआयकडे रजा मागितली आहे. कुलदीप नोव्हेंबरच्या अखेरीस लग्न करणार आहे, यासाठी त्याने बीसीसीआयकडे त्याच्या लग्नासाठी रजा मागितली आहे. कुलदीप सध्या भारत आणि दक्षिण आफ्रिका यांच्यातील पहिल्या टेस्ट सामन्यात खेळत आहे. दक्षिण आफ्रिकेच्या भारत दौऱ्यात दोन कसोटी, तीन एकदिवसीय आणि पाच टी-20 सामने आहेत. पहिली टेस्ट 14 नोव्हेंबर रोजी सुरू झाली, तर पाचवी टी-20 19 डिसेंबर रोजी खेळवली जाईल. दुसऱ्या टेस्टचा पाचवा दिवस 26 नोव्हेंबर रोजी होईल, तर पहिली वनडे 30 नोव्हेंबर रोजी खेळवला जाईल.