MCA Election Result : MCA च्या निवडणुकीत पवार गटाचा भाजपला धक्का, नार्वेकरही जिंकले, आव्हाडांनी किती मतं?

एमसीएच्या सचिव पदी उमेश खानविलकर यांनी बाजी मारली आहे. उमेश खानविलकर यांना 227 मतं पडली होती तर त्यांच्या विरोधात असलेल्या शहाआलम शेखला 129 मतं मिळाली होती.त्यामुळे या निवडणूकीत 98 मतांनी उमेश खानविलकर यांनी ही निवडणूक जिंकली आहे. एमसीएच्या संयुक्त सचिवपदी निलेश भोसले 228 मतं पडली होती तर गौरव पायंडे यांना 128 मतं मिळाली होती.त्यामुळे या निवडणूकीत 100 मतांनी निलेश भोसले यांनी या निवडणूकीत बाजी मारली आहे.

आपेक्स काऊन्सिलच्यी सदस्यपदी संदिप विचारे, सुरज सामंत, विघ्नेश कदम, मिलिंद नार्वेकर, भूषण पाटील, नदीम मेमोन,विकास रेपाले, प्रमोद यादव,निल सावंत या 9 सदस्यांची निवड झाली आहे.

मुंबई क्रिकेट असोसिएशनच्या निवडणुकीसाठी आज मतदान प्रक्रिया पार पडली. यावेळी मुंबई क्रिकेट असोसिएशनच्या 378 मतदारांपैकी 362 मतदारांनी आपला हक्क बजावला होता. तर शिवसेना उबीटी प्रमुख उद्धव ठाकरे यांनी मतदान केलं नसल्याची माहिती मिळाली होती. हे मतदान पार पडल्यानंतर लगेचच मतमोजणी घेण्यात आली होती.

एमसीएच्या अध्यक्षपदाच्या निवडणूकीसाठी भाजप नेते प्रसाद लाड, शरद पवार राष्ट्रवादी काँग्रेसचे जितेंद्र आव्हाड, शिवसेना ठाकरे गटाचे मिलिंद नार्वेकर, परिवहन मंत्री प्रताप सरनाईक यांचे चिरंजीव विंहग सरनाईक यांनी अर्ज केला होता.पण निवडणूकीच्या दोन दिवस आधीच सर्वच उमेदवारांनी अर्ज मागे घेतल्याने अजिंक्य नाईक यांनी बिनविरोध निवड झाली होती.

शरद पवार पॅनल विजय उमेदवार