Palash Muchhal Smriti Mandhana Post : ''माझ्याबद्दल उलटसुलट चर्चा...'', स्मृतीनंतर पलाशची सोशल मीडिया पोस्ट, ''त्यांना मी सोडणार नाही...''

23 नोव्हेंबर रोजी स्मृती आणि पलाश मुच्छल यांचं लग्न होणार होतं. मात्र, काही कौटुंबिक कारणास्तव लग्न पुढे ढकलण्यात आल्याचं सांगण्यात आलं होतं. लग्न मोडल्यानंतर सोशल मीडियावर उलटसुलट चर्चांना उधाण आले होते. स्मृती-पलाशचा विवाह पुढे ढकलण्यात आल्याचे सांगण्यात येत होते. मात्र, त्याच वेळेस काही सोशल मीडिया अकाउंटवरून लग्न मोडलं असल्याचा दावा करण्यात आला. पलाश मुच्छलचे स्मृतीशिवाय आणखीदेखील प्रेम प्रकरण सुरू होतं, त्यातून लग्न मोडल्याचा दावा करण्यात आला.

पलाशने मागील काही दिवसांपासून होत असलेल्या आरोपांवर भाष्य करत लग्न मोडल्याचं मान्य करताना आता आयुष्यात पुढं जाण्याचा निर्णय घेतला असल्याचे सांगितले.

मी माझ्या आयुष्यात पुढे जाण्याचा आणि माझ्या वैयक्तिक नात्यांपासून दूर जाण्याचा निर्णय घेतला आहे.

माझ्यासाठी सर्वात पवित्र असलेल्या एखाद्या गोष्टीबद्दल निराधार अफवांवर लोक इतक्या सहजपणे प्रतिक्रिया देतात हे पाहणे माझ्यासाठी खूप कठीण होते. हा माझ्या आयुष्यातील सर्वात कठीण टप्पा आहे आणि मी माझ्या विश्वासांना धरून राहून त्याचा सामना करेन. मला खरोखर आशा आहे की आपण, एक समाज म्हणून, अशा व्यक्तीबद्दल बोलण्यापूर्वी थांबायला शिकू, ज्याचे स्रोत कधीही ओळखले जात नाहीत. आपले शब्द अशा प्रकारे दुखवू शकतात जे आपल्याला कधीच समजणार नाहीत.