Smriti Mandhana : सांगलीची मुलगी होणार इंदूरची सून, स्मृतीच्या लग्नाची पत्रिका पाहिली का? तारीखही ठरली!

स्मृती मंधानाच्या लग्नाची पत्रिका सोशल मीडियावर व्हायरल झालेली असली, तरी या पत्रिकेच्या सत्यतेबद्दल प्रश्न उपस्थित झाले आहेत. स्मृतीच्या लग्नाची पत्रिका डिजिटली मॉर्फ केलेली किंवा बनावट असू शकते, अशा शंकाही काही चाहत्यांनी उपस्थित केल्या आहेत.

स्मृती मंधानाच्या एका चाहत्याने तिच्या लग्नाची पत्रिका शेअर केली आणि काही वेळातच ही पत्रिका व्हायरल झाली. पत्रिका व्हायरल होत असली तरी स्मृती मंधाना किंवा पलाश मुच्छल या दोघांनीही त्यांच्या अकाउंटवरून लग्नाबद्दल कोणतीही पोस्ट केलेली नाही. काही दिवसांपूर्वी, पलाशने त्याच्या गावी इंदूर येथे एका कार्यक्रमात या चर्चांना उत्तर देताना म्हटले होते की 'स्मृती लवकरच इंदूरची सून होईल, आणि मला आत्ता एवढेच सांगायचे आहे.'

काही चाहते स्मृती पलाशच्या लग्नाची तारीख 20 नोव्हेंबर सांगत आहेत, तर काहींनी 23 नोव्हेंबरला दोघांचं लग्न असल्याचं सांगितलं आहे. पण स्मृती आणि पलाश विवाहबंधनात कधी अडकणार? हे पुढच्या काही दिवसात स्पष्ट होईल.