IND vs SA World Cup Final : टॉस पडताच दक्षिण आफ्रिकेचं भारताला गिफ्ट, पहिल्या बॉलआधीच टीम इंडियाला देऊन टाकली ट्रॉफी!

नवी मुंबई : भारत आणि दक्षिण आफ्रिका यांच्यात आयसीसी महिला वनडे वर्ल्डकप 2025 च्या फायनल मॅचचा टॉस पडला आहे. या सामन्यात दक्षिण आफ्रिकेची कर्णधार लॉरा वॉलवार्टने टॉस जिंकून पहिले बॉलिंगचा निर्णय घेतला आहे, पण या निर्णयाने अनेकांच्या भुवया उंचावल्या आहेत. मागच्या 6 वर्ल्ड कप फायनलमध्ये 5 वेळा पहिले बॅटिंग करणाऱ्या टीमचा विजय झाला आहे. फायनलसारख्या तणावाच्या सामन्यात आव्हानाचा पाठलाग करताना आणखी तणाव येतो, त्यामुळे दक्षिण आफ्रिकेने पहिले बॉलिंगचा निर्णय का घेतला? याबाबत प्रश्नचिन्ह उपस्थित झालं आहे. नवी मुंबईच्या डी वाय पाटील स्टेडियमवर हा सामना खेळवला जाणार आहे. सततच्या पावसामुळे सामना सुरू व्हायला उशीर झाला आहे. या सामन्यात भारताने टीममध्ये एकही बदल केलेला नाही.