कुत्र्याचा राजेशाही थाट! विमानात फिरतो, एसीमध्ये झोपतो... या कुत्र्याकडे आहे पासपोर्ट, इतकंच नाहीतर...

जेव्हा ब्रूनोचं कुटुंब विदेश दौऱ्यावर जातं, तेव्हा तोही त्यांच्यासोबत विमानातून प्रवास करतो. त्याच्याकडे व्यवस्थित पेट पासपोर्ट आहे, ज्यामध्ये त्याची ओळख, वैद्यकीय नोंदी आणि प्रवासाचा इतिहास नमूद आहे. त्याने आतापर्यंत अनेक देशांची सफर केली आहे. हे ऐकून लोकांना आश्चर्य वाटेल, पण ठाकूर कुटुंबासाठी आता ही एक सामान्य गोष्ट आहे.

ब्रूनोची काळजी घेण्यासाठी 24 तास दोन लोकांची टीम तैनात असते. उन्हाळ्यात एसी आणि कूलर, तर हिवाळ्यात हीटर, अशा प्रत्येक ऋतूत त्याच्या गरजांची विशेष काळजी घेतली जाते. डॉक्टरांनी ठरवून दिलेला खास शाकाहारी आहार त्याला दिला जातो. त्याच्या देखभालीसाठी दरमहा 30 ते 40 हजार रुपये खर्च होतात.

दरवर्षी ब्रूनोचा वाढदिवस मोठ्या थाटामाटात साजरा केला जातो. ठाकूर कुटुंबीय केक कापतात, नातेवाईक आणि मित्रमंडळी येतात आणि सगळ्यांना मिठाई वाटली जाते. "ब्रूनो आता फक्त कुत्रा नाही, तो आमच्या कुटुंबाचा एक भाग आहे," असं भावुक होऊन ठाकूर सांगतात.