या पदार्थांमुळे होते वजन वाढीस मदत

अनेकांचे वजन खूपच कमी असते, तो व्यक्ती खूप दुबळा आणि कमकुवत दिसतो. काही पदार्थ योग्य प्रमाणात आणि योग्य पद्धतीने खाल्ले तर वजन वाढण्यास मदत होते.

हेल्थलाइनच्या मते, होममेड प्रोटीन स्मूदी अधिक पौष्टिक असते. त्यामुळे तुमचे वजन वाढण्यास मदत होऊ शकते, चॉकलेट, बनाना, नट शेक, व्हॅनिला बेरी शेक, आणि सुपर ग्रीन शेक सारख्या अनेक निरोगी स्मूदी तुम्ही सेवन करू शकता. 

दूध वजन वाढीसाठी आणि स्नायू बळकट करण्यासाठी उपयुक्त आहे, हे प्रथिने, कार्बोहायड्रेट, कॅल्शिअम, जीवनसत्वे यांचा उत्तम स्रोत आहे.

तुम्ही तुमच्या आहारात सोया, अंडी, शेंगदाणे यांसारख्या प्रथिनेयुक्त पदार्थांचा समावेश करू शकता. पीनट बटर, बदाम बटर, फेल्क्ससीड किंवा चिया सीड्स हे देखील प्रथिनांचे उत्तम स्रोत आहे.

कॅलरी, फॅट आणि फायबरसोबतच अनेक प्रकारची जीवनसत्वे आणि खनिजे अव्होकॅडोमध्ये आढळतात. तुम्ही ते तुमच्या आहारात कोणत्या ना कोणत्या प्रकारे समाविष्ट करू शकता.

क्विनोवा, तांदूळ, ओट्स, शेंगा, बटाटे, आणि रताळे यांसारखे अनेक पदार्थ वजन वाढीस मदत करतात. पण तुमच्या आरोग्याच्या अनुषंघाने तज्ज्ञांच्या सल्ल्यानंतरच या पदार्थांचा आहारात समावेश करा.