वर्कआउट करूनही वजन कमी होत नाही? मग ‘या’ 6 चुक तुम्ही करत नाही ना?

आजकाल अनेक लोक वजन कमी करण्यासाठी व्यायामशाळेत जातात, डाएट फॉलो करतात, रोज व्यायाम करून घाम गाळतात. पण असं असूनही अनेकदा वजन कमी होण्याऐवजी वाढताना दिसतं.

अशावेळी लोक चिडतात आणि विचार करतात की इतका प्रयत्न करूनही परिणाम का दिसत नाही? खरं तर यामागे काही लहान पण महत्त्वाच्या सवयी कारणीभूत ठरतात.

वर्कआउटनंतर जास्त खाणं व्यायामानंतर भूक लागणं स्वाभाविक आहे, पण या वेळी जास्त खाल्लं तर कॅलरी बर्न होण्याऐवजी शरीरात साठतात. त्यामुळे वजन वाढू लागतं.

फक्त कार्डिओवर भर देणं फक्त कार्डिओ केल्याने फॅट कमी होतं, पण स्नायू तयार होत नाहीत. मसल्स वाढले की शरीर जास्त कॅलरी जाळतं. त्यामुळे वेट ट्रेनिंगचा समावेश करा.

पुरेशी झोप न घेणं शरीर रिकव्हरीसाठी झोप अत्यंत गरजेची आहे. कमी झोपेमुळे मेटाबॉलिझम मंदावतो आणि स्ट्रेस हार्मोन वाढतो. त्यामुळे वजन वाढण्याची शक्यता असते.

पाणी कमी पिणं डिहायड्रेशनमुळे शरीराचं मेटाबॉलिझम कमी होतं. पुरेसं पाणी पिणं हे शरीर डिटॉक्स करण्यासाठी आणि वजन कमी करण्यासाठी आवश्यक आहे.

प्रोटीन कमी घेणं वर्कआउटनंतर शरीराला प्रोटीनची गरज असते. पण डाएटमध्ये प्रोटीन कमी घेतल्यास स्नायूंची वाढ थांबते आणि वजन कमी होण्याऐवजी वाढू शकतं.

रोज वजन तपासून निराश होणं सुरुवातीला मसल्स वाढल्यामुळे वजन वाढल्यासारखं दिसतं. पण याचा अर्थ असा नाही की फॅट कमी होत नाहीये. संयम ठेवा आणि सातत्य ठेवा.

(नोट : वरील माहिती सामान्य माहितीवर आधारीत आहे, न्यूज 18 मराठी याची पुष्टी करत नाही, आमचा उद्देश तुमच्यापर्यंत माहिती पोहोचवण्याचा आहे.) आणि सातत्य ठेवा.