दही हे आरोग्यासाठी एक उत्तम आणि फायदेशीर पदार्थ मानले जाते, कारण त्यात चांगले बॅक्टेरिया, कॅल्शियम आणि प्रथिने भरपूर प्रमाणात असतात. पण, आयुर्वेदानुसार आणि काही आरोग्य तज्ञांच्या मते, रिकाम्या पोटी दही खाणे आरोग्यासाठी हानिकारक ठरू शकते. त्यामुळे, दिवसाची सुरुवात दही खाऊन करण्यापूर्वी त्याच्या दुष्परिणामांची माहिती असणे महत्त्वाचे आहे.
पोटातील ॲसिड वाढवते दही हे नैसर्गिकरित्या आंबट असते. जेव्हा तुम्ही रिकाम्या पोटी दही खाता, तेव्हा पोटातील हायड्रोक्लोरिक ॲसिड दह्याच्या ॲसिडसोबत मिसळून पोटातील ॲसिडची पातळी वाढवते. यामुळे छातीत जळजळ आणि अपचनाचा त्रास होऊ शकतो.
चांगल्या बॅक्टेरियांचा नाश दह्यामध्ये असलेले प्रोबायोटिक बॅक्टेरिया पचनक्रियेसाठी खूप फायदेशीर असतात. पण, रिकाम्या पोटातील उच्च ॲसिडिक वातावरणामुळे हे बॅक्टेरिया जगू शकत नाहीत, ज्यामुळे त्यांच्या फायद्याचा उपयोग शरीराला होत नाही.
कफ आणि सर्दीचा धोका दही थंड असल्यामुळे ते रिकाम्या पोटी खाल्ल्याने कफ आणि सर्दी होण्याची शक्यता वाढते. खास करून, ज्यांना आधीपासून कफ किंवा सर्दीचा त्रास आहे, त्यांनी हे टाळावे.
पचनशक्ती मंदावते पोटाच्या ॲसिडिक वातावरणामुळे दही लवकर पचत नाही. यामुळे पचनशक्तीवर ताण येतो आणि पोटाशी संबंधित इतर समस्या निर्माण होऊ शकतात.
संधिवातच्या रुग्णांसाठी हानिकारक आयुर्वेदानुसार, रिकाम्या पोटी दही खाल्ल्यास सांधेदुखी आणि सूज वाढू शकते. त्यामुळे, ज्यांना संधिवाताचा त्रास आहे, त्यांनी हे टाळावे.
दही खाण्याची योग्य वेळ दही खाण्याची सर्वात योग्य वेळ दुपारची आहे. दुपारच्या जेवणासोबत दही खाल्ल्यास ते पचायला सोपे जाते आणि त्याचे आरोग्य फायदेही चांगले मिळतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)