TRENDING:
छत्रपती संभाजीनगर महापालिकेच्या निकालात भारतीय जनता पक्षाला ५६ जागा मिळाल्या. बहुमतासाठी केवळ एका नगरसेवकाची गरज असतानाही भाजपने शिवसेना पक्षाला युतीत सहभागी करून महापौरपद दिले. शिरसाट यांना उपमहापौरपद आपल्या गटातील माजी महापौर त्र्यंबक तुपे यांना द्यायचे होते. त्यासाठी त्यांनी प्रयत्नही केले. मात्र उपमुख्यमंत्री एकनाथ शिंदे यांनी पक्षाचे जिल्हाप्रमुख राजेंद्र जंजाळ यांच्या पारड्यात आपले वजन टाकल्याने शिरसाट यांचा नाईलाज झाला.
advertisement
मोठेमोठे गार केले गंमतमध्ये.... जंजाळ समर्थकांची प्रचंड घोषणाबाजी
त्यानंतर उपमहापौरपदाच्या निवडीवरून जंजाळ आणि शिरसाट यांच्यात नाराजी नाट्य पाहायला मिळाले. त्याच पार्श्वभूमीवर जंजाळ समर्थकांकडून शिरसाट यांना वादग्रस्त बॅनर दाखविण्यात आले.
कमबॅक, मोठमोठे गार केले गंमतमध्ये... कुणाच्याही नादी लाग-आमच्या नादी लागू नको... महागात पडेल अशा आशयाचे बॅनर शिरसाट यांना दाखविण्यात आले.
पालकमंत्री संजय शिरसाट यांच्या कारसमोरच जंजाळ समर्थकांनी तुफान जल्लोष केला. महापालिकेच्या मुख्य दरवाजावरून आत घुसून तेथील आवारात जंजाळ समर्थकांनी जोरदार घोषणाबाजी करून गुलालाची उधळण केली.
उपमहापौरपदाच्या निवडणुकीपासून संजय शिरसाट यांना पक्षाने जाणुन बुजून दूर ठेवले
महापौरपदी समीर राजूकर आणि उपमहापौर राजेंद्र जंजाळ यांची नावे जाहीर करताना पालकमंत्री संजय शिरसाट हे अनुपस्थित होते. ते जिल्हा परिषदेच्या निवडणुकीमध्ये व्यग्र असल्याचे मंत्री अतुल सावे यांनी पत्रकार बैठकीमध्ये जाहीर केले. संजय शिरसाट यांना जाणुनबुजून महापौरपदाच्या निवडणुकीपासून पक्षाने दूर ठेवण्याचीही चर्चा आहे. महापालिकेच्या निवडणुकीमध्ये शिवसेनेला केवळ १३ जागा मिळाल्या. शिरसाट यांचा मुलगा आणि मुलगी हे मात्र निवडून आले.