त्या सुंदर टेकडीच्या जवळ जाण्याचा मोह जीवावर बेतला; पुण्यात MPSC करणाऱ्या प्रज्वलसोबत लोणावळ्यात भयंकर घडलं

नेमकी घटना काय?

प्रज्वल रविवारी आपल्या नातेवाइकांसोबत कारने मुंबईहून पुण्याकडे येत होता. प्रवासादरम्यान नाश्ता करण्यासाठी सर्वजण लोणावळ्यात थांबले होते. यावेळी "टेकडीवरून फिरून येतो" असं सांगून प्रज्वल आणि त्याचा मावसभाऊ बाजूला गेले. मात्र, टेकडीवर फिरत असताना अचानक पाय घसरला आणि प्रज्वल थेट खोल दरीत कोसळला. या भीषण अपघातात त्याचा जागीच मृत्यू झाला.

advertisement

'मला चादर हवीये..'; पोलिसांचं लक्ष विचलित करत स्वच्छतागृहाच्या खिडकीतून गंभीर गुन्ह्यातील आरोपी फरार, पुण्यात 3 तास अटकेचा थरार अन्...

व्याख्याते वसंत गिरी यांचा एकुलता एक मुलगा

प्रज्वल हा मेहकर येथील प्रसिद्ध व्याख्याते आणि 'वऱ्हाड निघालंय लंडनला' या एकपात्री प्रयोगाचे ५०० हून अधिक सादरीकरण करणारे प्रा. वसंत गिरी यांचा एकुलता एक मुलगा होता. प्रज्वल पुण्यात बीएड (B.Ed) करत असतानाच स्पर्धा परीक्षेची तयारी करत होता. प्रशासकीय सेवेत अधिकारी होण्याचे स्वप्न पाहणाऱ्या या तरुणाचा असा अचानक अंत झाल्याने गिरी कुटुंबावर दुःखाचा डोंगर कोसळला आहे. एका उमद्या तरुणाच्या अशा मृत्यूने पर्यटनाच्या ठिकाणी असलेल्या सुरक्षा व्यवस्थेचा प्रश्न पुन्हा एकदा चर्चेत आला आहे.