Team India : नव्या वर्षात विराट-रोहित मैदानात कधी उतरणार? इथे पाहा टीम इंडियाचं संपूर्ण शेड्यूल

भारतीय क्रिकेट टीम आता 2026 मध्ये मैदानात उतरणार आहे. जानेवारी महिन्यात न्यूझीलंडची टीम भारताच्या दौऱ्यावर येणार आहे. या दौऱ्याची सुरूवात 3 वनडे मॅचच्या सीरिजने होईल. त्यानंतर दोन्ही टीममध्ये 5 टी-20 मॅचची सीरिज होईल. फेब्रुवारी महिन्यात होणाऱ्या टी-20 वर्ल्ड कपआधीची भारताची ही शेवटची सीरिज असेल. 2026 चा टी-20 वर्ल्ड कप 7 फेब्रुवारीपासून सुरू होत आहे, तर न्यूझीलंडविरुद्धची टी-20 सीरिज 31 जानेवारीला संपणार आहे.

advertisement

आधी वनडे सीरिज

भारत आणि न्यूझीलंड यांच्यात सुरूवातीला वनडे सीरिज खेळवली जाईल. तीन सामन्यांची ही सीरिज 11 जानेवारीपासून सुरू होणार आहे. सीरिजचा शेवटचा सामना 18 जानेवारीला खेळवला जाईल. वनडे सीरिजनंतर दोन्ही टीममध्ये टी-20 सीरिज होईल. टी-20 सीरिजला 21 जानेवारीला सुरूवात होईल.

विराट-रोहितचं कमबॅक

विराट कोहली आणि रोहित शर्मा यांनी टेस्ट आणि टी-20 मधून निवृत्ती घेतली आहे, त्यामुळे आता ते फक्त वनडे क्रिकेटमध्येच खेळताना दिसणार आहेत. न्यूझीलंडविरुद्धच्या वनडे सीरिजमध्ये विराट रोहित पुन्हा एकदा टीम इंडियाच्या जर्सीमध्ये दिसतील. न्यूझीलंडविरुद्धची वनडे सीरिज झाल्यानंतर मात्र विराट-रोहित मोठ्या ब्रेकवर जातील, कारण पुढचे दोन महिने भारत-न्यूझीलंड टी-20 सीरिज आणि टी-20 वर्ल्ड कप आहे, त्यामुळे थेट मार्च महिन्याच्या शेवटी आयपीएल 2026 मध्ये रोहित शर्मा आणि विराट कोहली खेळताना दिसतील.

भारत-न्यूझीलंड वनडे सीरिज

11 जानेवारी - पहिला वनडे : बडोदा (दुपारी 1:30)

14 जानेवारी - दुसरी वनडे : राजकोट (दुपारी 1:30)

18 जानेवारी - तिसरा वनडे : इंदूर (दुपारी 1:30)

भारत-न्यूझीलंड टी-20 सीरिज

21 जानेवारी - पहिला T20: नागपूर (संध्याकाळी 7)

23 जानेवारी - दुसरी T20: रायपूर (संध्याकाळी 7)

25 जानेवारी - तिसरा T20: गुवाहाटी (संध्याकाळी 7)

28 जानेवारी - चौथी T20 : विशाखापट्टणम (संध्याकाळी 7)

31 जानेवारी - पाचवी T20: तिरुवनंतपुरम (संध्याकाळी 7)