शेतकऱ्यांसाठी मोठी संधी! जनावरांच्या शेणापासून 5 वस्तू तयार करा अन् लाखो रुपये कमवा

मुंबई : शेतीसोबत पशुपालन करणाऱ्या शेतकऱ्यांसाठी गायी-म्हशींचे शेण हे केवळ कचरा नसून एक महत्त्वाचे उत्पन्नाचे साधन ठरत आहे. पूर्वी शेणाचा वापर प्रामुख्याने सेंद्रिय खतापुरताच मर्यादित होता. मात्र बदलत्या काळात आणि वाढत्या पर्यावरणपूरक उत्पादनांच्या मागणीमुळे, शहरांमध्येही शेणापासून बनवलेल्या विविध वस्तूंना मोठी बाजारपेठ उपलब्ध होत आहे. योग्य प्रक्रिया, कल्पकता आणि थोड्या गुंतवणुकीच्या जोरावर शेतकरी आणि पशुपालक शेणावर आधारित उद्योगातून चांगले आर्थिक उत्पन्न मिळवू शकतात.