TRENDING:
जळगाव : चोपडा तालुक्यातून जळगावकडे येत असताना घार्डी फाटा परिसरात ट्रॅक्टरने दुचाकीला दिलेल्या जबर धडकेत भीषण अपघात होऊन बाप–लेकाचा दुर्दैवी मृत्यू झाल्याची हृदयद्रावक घटना घडली. या अपघातात मोहम्मद लुकमान ठोके (वय ४२) यांचा जागीच मृत्यू झाला, तर त्यांचे वडील लुकमान मुसेखा ठोके (वय ७४, रा. लासुर, ता. चोपडा) यांचा जिल्हा शासकीय रुग्णालयात उपचारादरम्यान मृत्यू झाला. या घटनेमुळे ठोके कुटुंबावर दुःखाचा डोंगर कोसळला असून परिसरात शोककळा पसरली आहे.
advertisement
मिळालेल्या माहितीनुसार, चोपडा तालुक्यातील लासुर येथील रहिवासी असलेले मोहम्मद ठोके हे आपल्या आजारी वडिलांना जळगाव येथील खासगी रुग्णालयात उपचारासाठी दुचाकीवरून नेत होते. दरम्यान, जळगावकडे येत असताना घार्डी फाटा रस्त्यावर समोरून येणाऱ्या ट्रॅक्टरने त्यांच्या दुचाकीला जोरदार धडक दिली. धडक इतकी तीव्र होती की दुचाकीचे मोठे नुकसान झाले आणि दोघेही रस्त्यावर दूर फेकले गेले.
या भीषण अपघातात मोहम्मद ठोके यांचा जागीच मृत्यू झाला. गंभीर जखमी झालेल्या त्यांच्या वडिलांना तातडीने जळगाव जिल्हा शासकीय रुग्णालयात दाखल करण्यात आले. मात्र, उपचार सुरू असतानाच त्यांचीही प्राणज्योत मालवली. घटनेची माहिती मिळताच ठोके कुटुंबीय आणि नातेवाईकांनी घटनास्थळी तसेच जिल्हा रुग्णालयात धाव घेतली. यावेळी महिलांचा आणि नातेवाईकांचा काळीज चिरणारा आक्रोश पाहून उपस्थितांचे डोळे पाणावले.
ट्रॅक्टर चालकाविरोधात गुन्हा दाखल
अपघाताची माहिती मिळताच संबंधित पोलिसांनी घटनास्थळी धाव घेऊन पंचनामा केला. ट्रॅक्टर चालकाविरोधात गुन्हा दाखल करण्याची प्रक्रिया सुरू असून अधिक तपास सुरू आहे. एका क्षणात बाप–लेकाचे प्राण गेल्याने लासुर गावावर शोककळा पसरली असून सर्वत्र हळहळ व्यक्त केली जात आहे.
पाचोरा–लोहारा मार्गावर मोठी दुर्घटना
जळगावच्या पाचोरा–लोहारा मार्गावर आज मोठी दुर्घटना थोडक्यात टळली आहे. लोहाराकडून पाचोऱ्याकडे येत असताना महाराष्ट्र राज्य परिवहन मंडळाच्या धावत्या बसमध्ये अचानक तांत्रिक बिघाड झाला. यामुळे बस रस्त्याच्या कडेला पलटी होत भीषण अपघात होण्याची परिस्थिती निर्माण झाली होती. मात्र बसच्या वाहकाने प्रसंगावधान दाखवत तत्काळ बसवर नियंत्रण मिळवले. या घटनेत बसमधील काही प्रवाशांना किरकोळ दुखापत झाली असून, सुदैवाने कोणतीही जीवितहानी झाली नाही. या घटनेने
हे ही वाचा :