Bigg Boss Marathi 6 : दिव्यानंतर या सदस्याचा नंबर, 'बिग बॉस'नंतर भाऊचाही मोठा धक्का?

बिग बॉसच्या घरात आठवड्याच्या शेवटी म्हणजे भाऊच्या धक्क्यावर एव्हिक्शन होतं. ज्यात सहसा स्पर्धक मतदानाने किंवा कमी मतांमुळे घराबाहेर पडतात, पण दिव्या शिंदे हिला मात्र भाऊच्या धक्क्याआधीच बिग बॉसनेच तिला तिच्या एका खळबळजनक विधानामुळे घराबाहेरचा रस्ता दाखवला आहे. शिवाय आठवड्यात एकापेक्षा जास्त सदस्य घराबाहेर पडणार असं बिग बॉसने जाहीर केलं होतं. यात सतत नियम धाब्यावर बसवलेल्यांचा समावेश असेल. त्यानंतर आता भाऊच्या धक्क्याचा प्रोमो समोर आला आहे, ज्यात वादग्रस्त स्पर्धकाला रितेश देशमुख झापताना दिसतो आहे. त्यामुळे घरातील हाच सदस्य आता घरातून बाहेर पडेल असं म्हटलं जातं आहे.

हा सदस्य दुसरा तिसरा कुणी नाही तर रुचिता जामदार आहे. जी बिग बॉसच्या घरात पाऊल ठेवल्यापासून पहिल्याच दिवसापासून सतत वाद घालते, भांडणं, राडा करते.

भाऊच्या धक्क्याच्या प्रोमोत रितेश देशमुख बोलतो, रुचिता या घरातील सगळ्यात मोठा व्हिलन तुम्ही ठरलात. सतत उद्धट वागायचं. टास्क रद्द कसा होईल हेच बघायचं. एकही दिवस तुम्ही असा सोडला नाही जिथं तुम्ही मर्यादा ओलांडली नाही. ती कुऱ्हाड घ्या. असं म्हणताच अनुश्री रुचिताच्या हातात कुऱ्हाड घेऊन उभी दिसते. तिच्या चेहऱ्यावर टेन्शनही आहे.

त्यामुळे आता बिग बॉस मराठी 6 च्या घरातून बाहेर पडणारी दुसरी सदस्य रुचिता असणार? हे येणाऱ्या एपिसोडमध्येच दिसेल.