Nashik: नाशिकमध्ये 'खरात पॅटर्न 2' प्रकरणी मोठी कारवाई, नराधमाविरोधात पहिला गुन्हा दाखल, 121 व्हिडीओ असल्याचं समोर

पोलिसांनी दिलेल्या माहितीनुसार,  दिनांक ०२ एप्रिल २०२६ रोजी सातपूर पोलीस स्टेशन इथं एका ज्येष्ठ नागरिकाने दिलेल्या तक्रारीवरून सातपूर पोलीस स्टेशनमध्ये गुरनं. ४२७/२०२६ भारतीय न्याय संहिता कलम ३०५ (अ), ३०८ (२,३) अन्वये गुन्हा नोंद करण्यात आला आहे. सदर गुन्ह्यात आतापर्यंत एकूण ०४ आरोपी अटक करण्यात आले असून त्यांना आज रोजी न्यायालयात हजर केले असता  न्यायालयाने दिनांक ०७/०४/२०२६ पर्यंत पोलीस कोठडी सुनावली आहे. सदर गुन्ह्याचे तपासात अटक आरोपीत मजकूर यांच्या ताब्यातून एकूण ०४ मोबाईल, ०२ पेनड्राईव्ह तसंच ०१ मेमरी कार्ड पोलिसांनी तपासाकामी हस्तगत केले असून त्याची पडताळणी केली असता त्यामध्ये नमूद गुन्ह्यातील फिर्यादीच्या विविध महिला/मैत्रिणींचे अश्लील व्हिडीओ चित्रण केले आहे. एकूण १२१ व्हिडीओ क्लिप्स असल्याचं आढळून आलं आहे.

आरोपीचं नाव  रवींद्र गणपत एरंडे ( वय ६३)  आहे. हा नराधम सातपूर इथचं राहणार आहे. पीडितेनं सातपूर पोलीस स्टेशन इथं संपर्क साधून संशयीत रविंद्र एरंडे याच्याविरोधात तक्रार दिली आहे.   एरंडेनं पीडित महिलेच्या मुलास सरकारी नोकरी लावून देतो तसंच पीडित महिलाचा गैरफायदा घेऊन पीडित महिलेला 'तुमचं भविष्य उज्ज्वल करून देतो' असं आमिष दाखवून  तिच्यावर नाशिक तसंच इगतपुरी परिसरातील विविध हॉटेलवर घेऊन जाऊन वारंवार लैंगिक शोषण केलं. आता खंडणी प्रकरणातील फिर्यादी संशयीत रविंद्र एकनाथ एरंडे याच्या विरुद्ध सातपूर पोलीस स्टेशनमध्ये गुन्हा दाखल करण्यात आला आहे.  रवींद्र एरंडेलाा अटक करण्यात आली आहे.

आरोपी रवींद्र एरंडे याने अनेक महिलांचं लैंगिक शोषण केल्याचं व्हिडीओमधून समोर आलं आहे. या प्रकरणी नाशिक पोलिसांनी पीडितांना आवाहन केलं आहे.  एरंडेच्या विरुद्ध कोणत्याही प्रकारची तक्रार असल्यास त्यांनी सातपूर पोलीस स्टेशन तसंच खालील संपर्क क्रमांकावर संपर्क साधावा. तक्रारदार यांची माहिती गोपनीय ठेवण्यात येईल.

१) सचिन बारी साो, सहा पोलीस आयुक्त अंबड विभाग - मो. ९०४९८७२८२२