IPL Latest Points Table: पंजाबने गुणतक्त्यात केला मोठा उलटफेर, एका झटक्यात 5 संघांना मागे टाकले

चेन्नई सुपर किंग्जविरुद्धच्या सामन्यात शानदार विजय मिळवत पंजाबने हंगामातील सलग दुसरा विजय नोंदवला आणि 4 गुणांसह पहिल्या स्थानावर झेप घेतली.

गुणतक्त्यात दुसऱ्या स्थानावर राजस्थान रॉयल्स त्यांचे 2 गुण आहेत. त्यांचे नेट रनरेट तब्बल + 4.171 इतके आहे. त्यानंतर रॉयल चॅलेंजर्स बेंगळुरू तिसऱ्या, दिल्ली कॅपिटल्स चौथ्या आणि मुंबई इंडियन्स पाचव्या स्थानावर आहेत. या सर्व संघांनी प्रत्येकी एक सामना जिंकून 2 गुण मिळवले असले तरी नेट रनरेटच्या आधारे त्यांचे क्रम ठरले आहेत. सनरायझर्स हैदराबादने दोन सामने खेळून एक विजय मिळवत सहाव्या स्थानावर आपली जागा कायम ठेवली आहे.

दुसऱ्या बाजूला गुजरात टायटन्स, लखनऊ सुपर जायंट्स, कोलकाता नाईट रायडर्स आणि चेन्नई सुपर किंग्ज हे संघ अद्याप विजयाच्या प्रतीक्षेत आहेत. विशेषतः चेन्नई सुपर किंग्जसाठी ही स्पर्धा चिंताजनक ठरत असून त्यांनी सलग दोन सामने गमावले आहेत. त्यामुळे ते सध्या गुणतक्त्यात दहाव्या आणि शेवटच्या स्थानावर आहेत. कोलकाताही दोन पराभवांसह खालच्या स्थानी असून त्यांच्या नेट रनरेटवरही मोठा परिणाम झाला आहे.