TRENDING:
निळ्या रंगाच्या ट्रेनचा अर्थ काय?
भारतात सर्वात जास्त दिसणाऱ्या निळ्या रंगाच्या ट्रेन जुन्या डिझाइनच्या आहेत. ज्यांना ICF कोच म्हटलं जातं. हे कोच अनेक वर्षांपासून दूरच्या प्रवासाचा आधार आहेत. आजही मोठ्या संख्येत प्रवाशांना या ट्रेन सेवा देत आहेत. निळ्या कोचच्या ट्रेन सामान्यतः मेल किंवा एक्सप्रेस असतात. ज्या खुप परवडणाऱ्या आणि व्यापक नेटवर्कवर चालतात. खरंतर या हळुहळू नवीन टेक्नॉलॉजीने चेंज केल्या जात आहेत. पण यावर अजुनही भारतीयांचा विश्वास कायम आहे.
advertisement
लाल रेल्वेचा अर्थ काय?
गेल्या काही वर्षांमध्ये लाल किंवा मरुन रंगाचे रेल्वे कोच वाढले आहेत. या ट्रेन्सला LHB कोच म्हटलं जातं. हे कोच जुन्या कोचच्या तुलनेत जास्त सुरक्षित, वेगवान आणि आरामदायक असतात. यात प्रवास जास्त स्मूद होतो आणि दुर्घटनेच्या स्थितीमध्ये नुकसान कमी होते. लाल रंगाच्या ट्रेन अनेकदा सुपरफास्ट आणि प्रीमियम सेवांमध्ये पाहायला मिळतात. ज्या आधनिक रेल्वेची ओळख बनतेय.
पांढऱ्या ट्रेनचा अर्थ काय?
पांढऱ्या रंगाच्या ट्रेन म्हणजेच, वंदे भारत एक्सप्रेस, भारतात रेल्वेचा नवा चेहरा मानल्या जातात. या ट्रेन पूर्णपणे आधुनिक टेक्नॉलॉजीवर आधारित असतात. येथे इंजिन आणि कोच एकत्र जोडलेले असतात. याची डिझाइन आकर्षक असते आणि या रेल्वे वेगाने प्रीमियम अनुभव देतात. पांढऱ्या ट्रेन पाहूनच कळतं की, हा हायटेक आणि आरामदायक प्रवासाचा संकेत आहे.
रंगावरुन काय ठरतं?
खरंतर फक्त रंग पाहून ट्रेनची पूर्ण माहिती मिळत नाही. कोणत्याही ट्रेनची स्पीड, सुविधा आणि श्रेणी त्याचे नाव, कोच टाइप आणि टाइम टेबलवरुन ठरते. म्हणजेच लाल ट्रेन नेहमीच वेगवान असेल हे गरजेचं नाही. तसंच निळी ट्रेन नेहमीच स्लो असेल हेही सत्य नाही. यामुळे प्रवास करताना आधी ट्रेनची योग्य माहिती घेणे गरजेचं असतं.
प्रवाशांसाठी आवश्यक आहे ही माहिती
ट्रेनच्या रंगाची ओळख प्रवाशांसाठी एक प्रकारचा संकेत असतो. यामुळे ते ट्रेन जुनी आहे की नवी हे लवकर ओळखू शकतात. यासोबतच प्रवासाच्या अनुभवाचा अंदाज लावू शकतात. गर्दीच्या प्लॅटफॉर्मवर ही माहिती खुप कामी येते. एकूणच रेल्वेचे हे रंग फक्त पाहण्यासाठी नसतात. तर प्रवाशांना समजण्यासाठी आणि चांगला अनुभव देण्यातसही महत्त्वाची भूमिका निभावतात.