TRENDING:सिद्धीने एमबीए पूर्ण केल्यानंतर एचआर अॅडमिनिस्ट्रेशन क्षेत्रात काही वर्षे काम केले. तिच्याकडे एक स्टेबल पगाराची नोकरी होती, पण लहानपणापासूनच तिला कलेची आवड होती. विशेषतः दागिने बनवणे, डिझाईन तयार करणे हे तिला खूप आवडायचं. नोकरीसोबतच तिने आपल्या या आवडीवर काम सुरू ठेवलं. लॉकडाऊननंतर 2023 मध्ये तिने पुण्यात ज्वेलरी मेकिंगचा एक छोटासा कोर्स केला. त्यानंतर आणखी काही कोर्सेस करून तिने आपलं कौशल्य वाढवलं. हळूहळू ती स्वतःच वेगवेगळे दागिने बनवू लागली.
advertisement
सुरुवातीला फक्त 2 ते 3 हजार रुपयांत साहित्य घेऊन तिने काम सुरू केलं. नोकरी करत असतानाच ती छोटे छोटे दागिने तयार करून विकू लागली. तिच्या डिझाईन्स लोकांना आवडू लागल्या आणि तिला चांगला प्रतिसाद मिळू लागला. यानंतर तिने प्रदर्शनांमध्ये भाग घेण्यास सुरुवात केली. तिच्या ज्वेलरीची खासियत म्हणजे पारंपरिक महाराष्ट्रीयन डिझाईन्ससोबत वेगळेपणा. त्यामुळे तिच्या उत्पादनांना बाजारात वेगळी ओळख मिळाली.
हळूहळू ऑर्डर्स वाढू लागल्या, सोशल मीडियावरून तिचं काम अधिक लोकांपर्यंत पोहोचलं. मराठी कलाकार आणि मालिकांमधील अभिनेत्री सुद्धा तिच्याकडून खास डिझाईन्स करून घेऊ लागल्या. काही मालिकांसाठी ज्वेलरी तयार करण्याची संधीही तिला मिळाली. चांगला प्रतिसाद पाहून तिने पुढे पूर्णवेळ व्यवसाय करण्याचा निर्णय घेतला. सुरुवातीला छोट्या गुंतवणुकीत सुरू झालेला हा प्रवास आज मोठा झाला आहे. सध्या ती वर्षाला सुमारे साडेतीन ते चार लाख रुपयांची कमाई या व्यवसायातून करते.
सिद्धीने घेतलेला निर्णय, तिचं सातत्य आणि स्वतःच्या आवडीवर केलेलं काम यामुळे आज तिने स्वतःची वेगळी ओळख निर्माण केली आहे.