डोंबिवलीचे बांधकाम व्यावसायिक सचिन चिटणीस यांनी याबाबत दिलेल्या माहितीनुसार, डोंबिवली पूर्वेकडील मानपाडा रोड फडके रोड या महत्त्वाच्या भागातील जागेचे दर जास्त आहेत. या भागात पश्चिमेच्या तुलनेत प्रती चौरस फुट एक ते दीड हजार रुपये जास्त दर आहेत.
फक्त 35 रुपयांमध्ये करा साडी खरेदी, ठाण्यात कुठे आहे हे मार्केट?
advertisement
डोंबिवलीच्या सांस्कृतिक घडामोडींचं फडके रोड हे केंद्र आहे. गुढी पाडव्याला निघाणारी शोभायात्रा, डोंबिवलीचं जुनं गणेश मंदिर हे देखील फडके रोडला आहे. त्यामुळे या भागात दर जास्त आहेत, असं चिटणीस यांनी सांगितलं
शॉपिंगची अद्यावत दुकानं, खाणाऱ्यांचाी आवड जपणारी हॉटेल् डोंबिवली पूर्वेला आहेत. या भागात डोंबिवलीकरांची नेहमी गर्दी असते. डोंबिवली पूर्वमधील मधूबन गल्ली महिलांच्या शॉपिंगसाठी प्रसिद्ध आहे. त्याचबरोबर ठाणे आणि नवी मुंबई, कल्याण, ठाणे या शहरांना जाण्यासाठी देखील डोंबिवली पूर्व अधिक सोयीचे आहे, त्यामुळे या भागात जागांचे दर हे जास्त असल्याचं चिटणीस यांनी सांगितलं.
भविष्यात परिस्थिती बदलणार?
डोंबिवलीहून ठाण्याला जोडणारा माणकोली पूल हा पश्चिमेकडं होत आहे. हा पूल झाल्यानंतर डोंबिवली पश्चिमेतील जागांचे दरही वाढतील. हे दर पूर्वेच्या जवळपास होतील, अशी आशा बांधकाम व्यवसायिक सचिन चिटणीस यांनी व्यक्त केली.