TRENDING:
पदवी नसतानाही केले उपचार
मिळालेल्या माहितीनुसार,प्रचिती भुवड (वय 21) असे मृत तरुणीचे नाव असून ती वाशी परिसरात राहत होती. प्रकृती अस्वस्थ झाल्याने तिच्या कुटुंबीयांनी कमी खर्चात उपचार मिळतील या विश्वासाने संदेश पाष्टे (वय 30) याच्याकडे संपर्क केला. संदेश हा अंधेरी येथील एका खासगी नर्सिंग होममध्ये ब्रदर म्हणून काम करत होता. मात्र वैद्यकीय पदवी नसतानाही त्याने स्वतःला डॉक्टर असल्याचे भासवले.
advertisement
उपचाराच्या नावाखाली संदेशने प्रचितीला काही इंजेक्शने दिली. मात्र ही इंजेक्शने वैद्यकीय सल्ल्याविना आणि अयोग्य पद्धतीने दिल्याचा आरोप आहे. इंजेक्शन दिल्यानंतर काही वेळातच प्रचितीची प्रकृती अधिकच खालावली. तिला तातडीने रुग्णालयात दाखल करण्यात आले मात्र उपचार सुरू असतानाच तिचा मृत्यू झाला.
तरुणीच्या मृत्यूनंतर कुटुंबीयांचा संशय
या घटनेनंतर कुटुंबीयांनी संशय व्यक्त करत पोलिसांकडे तक्रार दाखल केली. चौकशीत संदेश पाष्टे याच्याकडे डॉक्टर म्हणून उपचार करण्याचा कोणताही अधिकृत परवाना नसल्याचे स्पष्ट झाले. पोलिसांनी आरोपीविरोधात फसवणूक तसेच निष्काळजीपणामुळे मृत्यू झाल्याप्रकरणी गुन्हा दाखल केला आहे. या प्रकरणामुळे भोंदू डॉक्टरांचा धोका पुन्हा एकदा समोर आला असून नागरिकांनी सतर्क राहण्याचे आवाहन पोलिसांनी केले आहे