Gold Silver price: रॉकेटच्या स्पीडनं सोनं चांदी सुस्साट,सलग तिसऱ्या दिवशी दरवाढ,1 ग्रॅमसाठी किती मोजावे लागणार पैसे?

सोन्याचे दर</a> 125980 रुपये प्रति 10 ग्रॅमवर पोहोचले आहेत इतर शहरांमध्ये देखील सोन्याच्या दरात वाढ झाली आहे. " width="1200" height="900" /> या आठवड्यात रॉकेटच्या स्पीडनं सोनं चांदी अगदी सुस्साट सुटले आहेत. सलग तिसऱ्या दिवशी सोन्या चांदीच्या दरात वाढ झाली आहे. 12 नोव्हेंबर रोजी दिल्लीमध्ये 24 कॅरेट सोन्याचे दर 125980 रुपये प्रति 10 ग्रॅमवर पोहोचले आहेत इतर शहरांमध्ये देखील सोन्याच्या दरात वाढ झाली आहे.

अमेरिकेच्या मध्यवर्ती बँक फेडरल रिझर्व्हचे गव्हर्नर स्टीफन मिरान यांनी नुकताच एक महत्त्वपूर्ण संकेत दिला. वाढती बेरोजगारी आणि मंदावलेल्या महागाईवर नियंत्रण मिळवण्यासाठी त्यांनी व्याजदरांमध्ये ०.५० टक्क्यांची मोठी कपात करण्याचे संकेत दिले.

अमेरिकेतील सरकारी विभागांचे कामकाज ठप्प होण्याची चिंता कमी झाल्यामुळे, फेडरल रिझर्व्हकडून व्याजदर कपातीची शक्यता वाढल्यामुळे आणि जागतिक बाजारपेठेतील मजबूत सकारात्मक ट्रेंडमुळे सोने आणि चांदीच्या किमतींमध्ये मोठी तेजी पाहायला मिळाली आहे.

दिल्लीमध्ये 24 कॅरेट सोन्याचे दर 125980 तर 22 कॅरेट सोन्याचे दर 115510 रुपये प्रति 10 ग्रॅम आहेत. मुंबई आणि कोलकाता इथे दर एकसारखे आहेत. 22 कॅरेट सोन्यासाठी 115360 रुपये मोजावे लागणार आहेत. तर 24 कॅरेट सोन्यासाठी 125850 रुपये प्रति तोळा मोजावे लागणार आहेत.

आंतरराष्ट्रीय स्तरावरील आर्थिक संस्थांनी सोन्याच्या किमतीबाबत मोठी भविष्यवाणी केली आहे. गोल्डमॅन सॅक्स या संस्थेने डिसेंबर २०२६ पर्यंत सोन्याचा दर प्रति औंस ४,९०० डॉलरपर्यंत पोहोचेल असा अंदाज व्यक्त केला आहे. तर, एएनझेड (ANZ) या संस्थेचे मत आहे की, पुढील वर्षाच्या मध्यापर्यंत सोन्याचा दर प्रति औंस ४,६०० डॉलरवर स्थिर असेल.

सोनेच नव्हे, तर चांदीच्या दरातही मोठी वाढ झाली आहे. १२ नोव्हेंबर रोजी चांदीचा दर १,६०,१०० रुपये प्रति किलोग्रॅम इतका नोंदवण्यात आला आहे. सोने आणि चांदीच्या देशांतर्गत किमतींवर स्थानिक घटकांसह जागतिक घटकांचाही मोठा परिणाम होत असतो.