'या' ग्राहकांवर संकट! LPG कनेक्शन होऊ शकतं बंद, यात तुम्ही तर नाही ना?

LPG Crisis amid West Asia Tension: जागतिक स्तरावर सुरू असलेल्या युद्धाच्या झळा या भारतापर्यंत पोहोचल्या आहेत. ज्यामुळे देशभरात एलपीजी हा विषय चर्चेत आहे. कारण पुरवठ्यात अडचणी येत असल्याने देशभरात एलपीजी गॅसचा तुटवडा निर्माण झाल्याचं बोललं जातंय. ज्याचा परिणाम सर्वसामान्य नागरिकांवर होतोय. सरकारही एलपीजीविषयीच्या नियमांत बदल करतेय. आता गॅस एजेन्सीही कठोर नियम करताय.

गॅस एजेन्सीने उचललेल्या पावलांमुळे काही एलपीजी ग्राहकांचं गॅस कनेक्शन हे बंद केलं जाणार आहे. पण हे का बंद केलार आहे आणि पुन्हा कसं सुरू करता येईल याविषयी आपण आज माहिती घेऊया.

कोणत्या ग्राहकांवर होणार कारवाई? : ज्या लोकांनी गेल्या 9 महिन्यांपासून किंवा त्यापेक्षा जास्त वेळेपासून गॅस सिलेंडर बुक केलेलं नाही. गॅस कंपन्यांनी असे कनेक्शन सस्पेंटेड कॅटेगिरीमध्ये टाकण्यास सुरुवात केलीये. गॅस सब्सिडी आणि मर्यादित संसाधनाचा फायदा फक्त खऱ्या आणि अॅक्टिव्ह ग्राहकांनचा मिळावा हा यामागील हेतू आहे. सोबतच 'घोस्ट कनेक्शन' म्हणजेच बनावट किंवा निष्क्रिय कनेक्शन संपवणे हे देखील या पावलामागी कारण आहे.

कनेक्शन अॅक्टिव्ह कसं ठेवावं : तुमचं कनेक्शनही बऱ्याच काळापासून अनअॅक्टिव्ह असेल तर घाबरू नका. तुम्ही KYC प्रोसेस पूर्ण करुन तुमची गॅस सर्व्हिस पुन्हा सुरू करू शकता. यासाठी तुम्हाला तुमच्या गॅस एजेन्सीमध्ये जाऊन फॉर्म भरावा लागेल.

यासोबतच आधार कार्ड आणि बँक पासबुकची कॉपी जमा करावी लागेल. या व्यतिरिक्त बायोमेट्रिक व्हेरिफिकेशन, म्हणजेच अंगठ्याचे निशाण किंवा फेस ऑथेंटिकेशनही गरजेचे असेल. एकदा ही प्रोसेस झाल्यानंतर सामान्यतः 24 ते 48 तासांच्या आत तुमची गॅस बुकिंग सर्व्हिस पुन्हा चालू होते.

ऑनलाइन ऑप्शनही उपलब्ध : ज्या लोकांना एजेन्सीमध्ये न जाता हे काम करायचंय. ते ऑनलाइन ऑप्शनने करू शकता. तुम्ही Indane, HP किंवा Bharat Gas च्या अधिकृत वेबसाइट किंवा मोबाईल अॅपच्या माध्यमातून e-KYC अपडेट करू शकता. यासाठी “Update KYC” सेक्शनमध्ये जाऊन आपली डिटेल भरावी लागेल आणि आधारशी संबंधित मोबाईल नंबरवर आलेल्या OTP च्या माध्यमातून व्हेरिफिकेशन पूर्ण करावं लागेल. ही वेगवान, सोपी आणि घरबसल्या केली जाणारी प्रोसेस आहे.

हे अवश्य करा : सध्याच्या परिस्थितीत गॅस सप्लायविषयी सावधगिरी बाळगणे खुप गरेजेचं झालंय. वेळेवर KYC अपडेट ठेवल्याने तुमची गॅस सर्व्हिस थांबवली जाणार नाही. सोबतच सब्सिडी संबंधित फायदेही मिळत राहतील. म्हणूनच तुम्ही बऱ्याच महिन्यांपासून गॅस बुकिंग केली नसेल तर लगेच केवायसी करून घ्या.