IND vs ENG U19 World Cup Final Live : टीम इंडिया की इंग्लंड? कुणाचं पारडं जड? जाणून घ्या हेड टू हेड

भारत आणि इंग्लंड यांच्यात एकदिवसीय सामन्यांमध्ये ५५ वेळा सामना झाला आहे. भारताने यापैकी ४१ सामने जिंकले आहेत, १३ सामने हरले आहेत आणि एक सामना बरोबरीत सुटला आहे. १९ वर्षांखालील विश्वचषकात दोन्ही देश नऊ वेळा एकमेकांसमोर आले आहेत. भारताने यापैकी सात सामने जिंकले आहेत, तर दोन गमावले आहेत. गेल्या पाच सामन्यांमध्ये भारताने तीन सामने खेळले आहेत, ज्यात दोन जिंकले आहेत.

२०२४ मध्ये झालेल्या १९ वर्षांखालील विश्वचषकात देखील टीम इंडियाने दिमाखात फायनलमध्ये प्रवेश केला होता. उदय सहारन याच्या नेतृत्वाखाली भारतीय टीमने संपूर्ण स्पर्धेत उत्तम खेळ केला. मात्र, या महत्त्वाच्या मॅचमध्ये नशिबाने साथ दिली नाही आणि भारताला उपविजेतेपदावर समाधान मानावे लागले. या पराभवामुळे चाहत्यांची काहीशी निराशा झाली होती. या अटीतटीच्या फायनल मॅचमध्ये ऑस्ट्रेलियाने बाजी मारली होती.

भारतीय क्रिकेटमध्ये १९ वर्षांखालील संघाने (Under-19) आपले वेगळे स्थान निर्माण केले असून हा संघ विश्वचषकातील सर्वात यशस्वी संघ मानला जातो. या स्पर्धेच्या इतिहासात भारतीय मुलांनी सातत्याने चांगली कामगिरी केली आहे. विशेष म्हणजे २००० सालापासून झालेल्या १४ विश्वचषकांपैकी ११ वेळा भारताने फायनल गाठण्याचा पराक्रम केला असून जगभरातील क्रिकेट चाहत्यांचे लक्ष वेधून घेतले आहे.

टीम इंडिया : ऑरोन जॉर्ज, वैभव सूर्यवंशी, आयुष म्हात्रे (कर्णधार), विहान मल्होत्रा, वेदांत त्रिवेदी, अभिज्ञान कुंडू (विकेटकिपर), आरएस अम्ब्रिस, कनिष्क चौहान, खिलन पटेल, हेनिल पटेल, दीपेश देवेंद्रन, हरवंश पंगालिया, मोहम्मद सिंग अनन, मोहम्मद किशन कुमार, उदंड इंग्लंड : बेन डॉकिन्स, जोसेफ मूर्स, बेन मेयेस, थॉमस रीव्ह (विकेटकिपर/कर्णधार), कॅलेब फॉकनर, राल्फी अल्बर्ट, फरहान अहमद, सेबॅस्टियन मॉर्गन, जेम्स मिंटो, मॅनी लुम्सडेन, अ‍ॅलेक्स फ्रेंच, अ‍ॅलेक्स ग्रीन, आयझॅक मोहम्मद, ल्यूक हँड्स, विल बेनिसन.

अंडर 19 ची वर्ल्ड कप फायनल दुपारी 1 वाजता खेळला जाईल, तर टॉस दुपारी 12:30 वाजता होईल. अंतिम सामन्याचे थेट प्रक्षेपण स्टार स्पोर्ट्स नेटवर्कवर उपलब्ध असेल. तुम्ही जिओ हॉटस्टार अॅपवर लाईव्ह स्ट्रीमिंग पाहू शकता.