सोने-चांदी विसरा! या धातूने दिले 121% रिटर्न; गुंतवणूकदारांचे पैसे झाले दुप्पट, पाहा काय आहे नवीन संधी?

सोने-चांदीच्या शर्यतीत प्लॅटिनमने बाजी मारली आहे. यंदाच्या वर्षात चांदीने 132% आणि सोन्याने 74% परतावा दिला आहे. प्लॅटिनमने कोणाच्याही लक्षात न येता तब्बल 121% ची वाढ नोंदवली आहे. वर्षाच्या सुरुवातीला प्रति 10 ग्रॅम 25,160 रुपये असलेला प्लॅटिनमचा भाव 19 डिसेंबरपर्यंत 55,350 रुपयांवर पोहोचला आहे. तज्ज्ञांच्या मते, ज्यांना सोने आणि चांदीत गुंतवणूक करण्याची संधी हुकली असे वाटते, त्यांच्यासाठी प्लॅटिनम हा एक प्रबळ पर्याय म्हणून समोर आला आहे.

'वर्ल्ड प्लॅटिनम इन्व्हेस्टमेंट कौन्सिल' (WPIC) च्या अहवालानुसार, सध्या जागतिक बाजारपेठेत प्लॅटिनमच्या पुरवठ्यात मोठी घट झाली आहे. मागणीच्या तुलनेत पुरवठा कमी असल्याने किमतींना मोठा आधार मिळत आहे. सप्टेंबर 2025 मध्ये प्लॅटिनमच्या किमतीने 2014 नंतर पहिल्यांदाच 1500 डॉलर प्रति औंसचा टप्पा ओलांडला आणि त्यानंतर ती 1600 डॉलरच्याही वर गेली, जे या धातूच्या बाजारपेठेतील मजबुतीचे लक्षण आहे.

ऑटोमोटिव्ह (39%), दागिने (28%), औद्योगिक वापर (24%) आणि गुंतवणूक (9%). 2025 मध्ये प्लॅटिनमची एकूण मागणी 7.88 दशलक्ष औंस राहण्याचा अंदाज आहे. जरी ही मागणी गेल्या वर्षाच्या तुलनेत थोडी कमी असली, तरी पुरवठ्यातील अडथळे किमती स्थिर ठेवण्यास आणि वाढवण्यास मदत करत आहेत.

प्लॅटिनम आता जगातील तिसरा सर्वाधिक व्यवहार होणारा मौल्यवान धातू बनला आहे. दीर्घकालीन दृष्टीकोन ठेवणाऱ्या गुंतवणूकदारांसाठी हा धातू 2026 मध्येही चांगली तेजी दाखवू शकतो, असा विश्वास बाजार तज्ज्ञांना आहे. सोन्याच्या तुलनेत प्लॅटिनमने यंदा अधिक चांगली वाढ दाखवल्यामुळे नवीन वर्षात गुंतवणूकदारांच्या नजरा या 'पांढऱ्या सोन्यावर' खिळल्या आहेत.