2026 मध्ये घर घेऊनच टाका! 'या' 5 बँकांनी Home Loan व्याजदारंमध्ये केली कपात

Home Loan Interest Rates: देशातील प्रमुख बँकांनी अलीकडेच होम आणि व्हीकल लोन व्याजदर कमी केले आहेत. ज्यामुळे घरे आणि वाहने खरेदी करण्याची योजना आखणाऱ्या ग्राहकांना मोठा दिलासा मिळाला आहे. रिझर्व्ह बँकेच्या (आरबीआय) अलीकडील चलनविषयक धोरण आणि रेपो दर कपातीनंतर हे पाऊल उचलण्यात आले आहे.

LIC Housing Finance Ltd.ने 22 डिसेंबर 2025 पासून नवीन गृह कर्जावरील व्याजदर 7.15% पासून सुरू होईल अशी घोषणा केली आहे. द हिंदूच्या वृत्तानुसार, कंपनीचे एमडी आणि सीईओ त्रिभुवन अधिकारी यांनी सांगितले की, आरबीआयने यावर्षी व्याजदरात एकूण 125 बेसिस पॉइंट्सची कपात केली आहे, ज्यामुळे घर खरेदी करणाऱ्यांना दिलासा मिळाला आहे. ते म्हणाले, "या निर्णयामुळे नवीन खरेदीदारांमध्ये विश्वास निर्माण होईल आणि येणाऱ्या 2026 मध्ये सकारात्मक बाजारपेठेतील भावनांना चालना मिळेल."

युनियन बँक ऑफ इंडिया : युनियन बँक ऑफ इंडियाने 23 डिसेंबर रोजी होम लोन आणि वाहन कर्जांवरील व्याजदरात कपात करण्याची घोषणा केली. बँकेने त्यांच्या बाह्य बेंचमार्क लिंक्ड रेट (EBLR) अंतर्गत होम लोन दरात 0.30% आणि वाहन कर्ज दरात 0.40% कपात केली. बँकेने सांगितले की ही कपात स्प्रेडच्या सुधारणेमुळे शक्य झाली आहे.

कॅनरा बँकेनेही त्यांचा रेपो लिंक्ड बेंचमार्क लेंडिंग रेट (RLLR) 25 बेसिस पॉइंट्सने कमी केला. RLLR आता 8.25% वरून 8% झाला आहे. ही कपात 12 डिसेंबर 2025 पासून लागू आहे. बँकेच्या विद्यमान कर्जधारकांना, ज्यांची कर्जे RLLR शी जोडलेली आहेत, त्यांच्या EMI किंवा कर्जाच्या कालावधीत आता कपात दिसून येईल.

पंजाब नॅशनल बँक : पंजाब नॅशनल बँक (PNB) ने देखील त्यांचा RLLR कमी केला आहे. बँकेने व्याजदर 8.35% वरून 8.10% पर्यंत कमी केला आहे, ज्यामध्ये बँकेचा 10 बेसिस पॉइंट स्प्रेड समाविष्ट आहे. हे नवीन दर 6 डिसेंबर 2025 पासून लागू आहेत.

बँक ऑफ महाराष्ट्र : बँक ऑफ महाराष्ट्रने किरकोळ कर्ज व्याजदरातही कपात करण्याची घोषणा केली आहे. बँकेने होम लोन दर 7.35% वरून 7.10% पर्यंत कमी केला आहे, ज्यामुळे नवीन खरेदीदारांसाठी ईएमआय कमी होईल. याव्यतिरिक्त, कार लोन दर 7.70% वरून 7.45% पर्यंत कमी करण्यात आला आहे. शिवाय, बँकेने या कर्जांवरील सर्व प्रोसेसिंग फीस माफ केले आहे. ज्यामुळे ग्राहकांचा प्रारंभिक खर्च कमी झाला आहे.

याव्यतिरिक्त, Bank of Indiaने RBLR कमी केला आहे. बँक ऑफ इंडियाने त्यांचा RBLR 8.35% वरून 8.10% पर्यंत कमी केला आहे. हा बदल 5 डिसेंबर 2025 पासून लागू होत आहे.

रिझर्व्ह बँकेच्या रेपो दर कपातीनंतर बँकांनी व्याजदरात केलेली ही कपात ग्राहकांसाठी खूप फायदेशीर आहे असे तज्ञांचे म्हणणे आहे. नवीन खरेदीदार आता कमी ईएमआयवर घर किंवा वाहन खरेदी करू शकतात. ज्यामुळे त्यांच्या बजेटवरील भार कमी होईल. तसंच, ग्राहकांनी हे लक्षात ठेवले पाहिजे की कर्जाच्या अटी आणि बँक स्प्रेड वेगवेगळे असू शकतात. म्हणून, कर्ज घेण्यापूर्वी तुमच्या बँकेचा किंवा आर्थिक सल्लागाराचा सल्ला घेणे महत्वाचे आहे. या निर्णयामुळे ग्राहकांनाच फायदा होणार नाही तर बाजारपेठेतील मागणी देखील वाढेल.