शेतकरी आत्महत्या रोखण्यासाठी राज्य सरकारचा मोठा निर्णय! असं करणारं महाराष्ट्र ठरलं देशातलं पहिलं राज्य

मुंबई : राज्यातील शेतकरी आत्महत्यांचे वाढते प्रमाण रोखण्यासाठी महाराष्ट्र सरकारने एक महत्त्वाचा निर्णय घेतला असून, यासाठी स्वतंत्र ‘शेतकरी आत्महत्या प्रतिबंध टास्क फोर्स’ स्थापन करण्यात आला आहे. कृषी आयुक्त सुरज मांढरे यांनी परिपत्रकाद्वारे या निर्णयाची माहिती दिली. शेतकऱ्यांच्या समस्यांकडे मानसिक, सामाजिक, आर्थिक आणि हवामान बदलाच्या पार्श्वभूमीवर एकत्रितपणे पाहण्याचा या कृती दलाचा उद्देश आहे. अशा प्रकारची समर्पित यंत्रणा उभारणारे महाराष्ट्र हे देशातील पहिले राज्य ठरले आहे.