ट्रॅक्टरपासून ते मळणीयत्रांपर्यंत! खरेदीसाठी सरकार देतंय पैसे, अर्ज कसा अन् कुठे कराल?

अलीकडच्या काळात मशागत, पेरणी, कापणी, पीक संरक्षण आणि काढणीपश्चात प्रक्रिया यांसाठी विविध यंत्रांचा वापर वाढला आहे. मात्र अनेक लहान व अल्पभूधारक शेतकऱ्यांना आर्थिक अडचणीमुळे ही यंत्रे खरेदी करता येत नाहीत. यामुळे त्यांना मदतीचा हात म्हणून ही योजना सुरू करण्यात आली आहे.

कोणत्या यंत्रांसाठी मिळणार अनुदान?

या योजनेअंतर्गत शेतकऱ्यांना पॉवर टिलर, स्वयंचलित यंत्रे, ट्रॅक्टर, ट्रॅक्टरवर चालणारी अवजारे, पीक फवारणी उपकरणे, कापणीनंतरची प्रक्रिया करणारी यंत्रे आणि इतर कृषी यंत्रांसाठी 40% ते 50% पर्यंत अनुदान दिले जाते.

advertisement

अल्प आणि अत्यल्प भूधारक शेतकऱ्यांसाठी हे अनुदान टप्प्याटप्प्याने असे असेल

ट्रॅक्टर – 1.25 रु लाखांपर्यंत

पॉवर टिलर – 40 ते 50%

स्वयंचलित यंत्रे व अवजारे – 40 ते 50%

काढणी यंत्रे – 50 ते 60%

पीक संरक्षण यंत्रे – 40 ते 50%

कृषी अवजार बँक व सेवा केंद्र

या योजनेच्या माध्यमातून कृषी अवजार बँक किंवा सेवा सुविधा केंद्र सुरू करण्यास देखील अनुदान दिले जाते. यामुळे शेतकऱ्यांना महागडी यंत्रसामग्री भाड्याने वापरता येणार असून, मोठ्या गुंतवणुकीची गरज भासणार नाही.

योजनेचा लाभ घेण्यासाठी नियम काय आहेत?

एका वेळी फक्त एकाच यंत्रासाठी अनुदान मिळू शकते.पूर्वी जर एखाद्या यंत्रासाठी अनुदान घेतले असेल, तर त्या यंत्रासाठी पुढील 10 वर्षे पुन्हा अर्ज करता येणार नाही. कुटुंबातील कोणाच्या नावावर ट्रॅक्टर असल्यास, त्या ट्रॅक्टरवर चालणाऱ्या अवजारांसाठीही अनुदान मिळू शकते.

आवश्यक कागदपत्रे कोणती?

आधार कार्ड

सातबारा व 8 अ उतारा

खरेदी करावयाच्या यंत्राचे कोटेशन

शासकीय तपासणी संस्थेचा अहवाल

पूर्वसंमतीपत्र

जात प्रमाणपत्र (लागू असल्यास)

स्वयंघोषणापत्र

अर्ज कसा करायचा?

कृषी यांत्रिकीकरण प्रोत्साहन योजनेचा लाभ घेण्यासाठी शेतकऱ्यांना mahadbt.maharashtra.gov.in या अधिकृत वेबसाईटवर जाऊन 'शेतकरी योजना' या विभागाखाली ऑनलाइन अर्ज करावा लागतो. हा अर्ज तुम्ही स्वतः भरू शकता किंवा जवळच्या सीएससी सेंटरमध्ये करू शकता.