TRENDING:
२३वा हप्ता कधी मिळणार?
अधिकृत घोषणा अद्याप झालेली नसली तरी विविध अहवालांनुसार २३वा हप्ता जुलै २०२६ दरम्यान शेतकऱ्यांच्या खात्यात जमा होण्याची शक्यता आहे. या योजनेअंतर्गत दरवर्षी ६,००० रुपये तीन हप्त्यांमध्ये (प्रत्येकी २,००० रुपये) थेट बँक खात्यात जमा केले जातात.
हप्ता अडकू नये यासाठी आवश्यक अटी
अनेक वेळा केवळ कागदपत्रांतील चुका किंवा अपूर्ण प्रक्रियांमुळे हप्ता थांबतो. त्यामुळे खालील तीन गोष्टी पूर्ण असणे अत्यावश्यक आहे:
advertisement
ई-केवायसी पूर्ण असणे - आधार कार्डच्या माध्यमातून ई-केवायसी प्रक्रिया पूर्ण करणे अनिवार्य आहे.
आधार-बँक लिंकिंग - बँक खाते आधार कार्डशी जोडलेले असणे आवश्यक आहे.
भू-पडताळणी पूर्ण - शेतकऱ्यांच्या जमिनीची माहिती व सरकारी नोंदींची पडताळणी पूर्ण झालेली असावी.
घरबसल्या नाव तपासण्याची सोय
शेतकरी स्वतःचे नाव लाभार्थी यादीत आहे की नाही हे ऑनलाइन सहज तपासू शकतात. यासाठी अधिकृत संकेतस्थळावर जाऊन “Beneficiary List” पर्याय निवडावा. त्यानंतर राज्य, जिल्हा, तालुका व गावाची माहिती भरून संपूर्ण यादी पाहता येते. यामुळे हप्त्याची स्थितीही समजू शकते.
अडचण आल्यास कुठे संपर्क कराल?
जर सर्व अटी पूर्ण असूनही हप्ता खात्यात जमा झाला नसेल, तर शेतकरी सरकारच्या हेल्पलाइनवर संपर्क साधू शकतात. सकाळी ९:३० ते सायंकाळी ६ या वेळेत १५५२६१ किंवा ०११-२४३००६०६ या क्रमांकांवर मदत उपलब्ध आहे.
योजनेचा उद्देश आणि विस्तार
नरेंद्र मोदी यांनी २४ फेब्रुवारी २०१९ रोजी गोरखपूर येथे या योजनेची सुरुवात केली होती. या योजनेचा उद्देश म्हणजे शेतकऱ्यांना आर्थिक आधार देणे आणि शेतीसाठी आवश्यक खर्च भागवण्यास मदत करणे हा आहे. सध्या देशातील ९ कोटींपेक्षा अधिक शेतकरी या योजनेचा लाभ घेत आहेत.
शेतकऱ्यांसाठी महत्त्वाची सूचना
२३वा हप्ता वेळेत मिळण्यासाठी शेतकऱ्यांनी ई-केवायसी, आधार लिंकिंग आणि भू-पडताळणी ही कामे तातडीने पूर्ण करणे आवश्यक आहे. अन्यथा पात्र असूनही हप्ता अडकू शकतो.
एकूणच, पीएम किसान योजनेचा पुढील हप्ता लवकरच येण्याची शक्यता असली तरी, आवश्यक प्रक्रिया पूर्ण केल्यासच त्याचा लाभ वेळेवर मिळू शकतो. त्यामुळे शेतकऱ्यांनी वेळेत दक्षता घेणे गरजेचे आहे.