TRENDING:
परदेशात २५-३० रुपये, देशात १८-२० रुपये भाव
दिलीप काळे यांनी लागवड केलेल्या दर्जेदार लाल गुलाबांना परदेशात एका फुलाला २५ ते ३० रुपयांपर्यंत भाव मिळतो, तर देशांतर्गत बाजारात हेच फूल १८ ते २० रुपयांना विकले जाते. उत्कृष्ट दर्जा, लांब देठ आणि टिकाऊपणा यामुळे युरोपसह गल्फ देश, ऑस्ट्रेलिया आणि न्यूझीलंडमध्ये त्यांच्या फुलांना विशेष मागणी आहे.
advertisement
‘टॉप सिक्रेट’ जातीची लागवड
काळे यांनी ‘टॉप सिक्रेट’ या उच्च दर्जाच्या गुलाब जातीची लागवड केली आहे. ही जात उत्पादनक्षम असून फुलांचा आकार, रंग आणि टिकाऊपणा यामुळे बाजारात वेगळी ओळख निर्माण करते. विशेषतः लाल गुलाबांना व्हॅलेंटाइन डेच्या काळात प्रचंड मागणी असते, तर इतर रंगांच्या फुलांना तुलनेने कमी मागणी असल्याचे ते सांगतात. तरीही त्यांच्या शेतात लाल, पांढरे, गुलाबी आणि पिवळ्या गुलाबांची लागवड केली जाते.
आधुनिक तंत्रज्ञानाचा वापर
फुलांची गुणवत्ता टिकवण्यासाठी काळे यांनी शेतात कोल्ड स्टोअरेजची सुविधा उभारली आहे. काढणीनंतर फुलांचे वर्गीकरण करून शितपेट्यांमधून (कोल्ड चेन) त्यांची निर्यात केली जाते. या प्रक्रियेमुळे फुले १५ ते १८ दिवस टवटवीत राहतात. आंतरराष्ट्रीय बाजारपेठेत वेळेवर आणि ताज्या अवस्थेत माल पोहोचवणे अत्यंत महत्त्वाचे असल्याने या तंत्रज्ञानाचा मोठा फायदा होत आहे.
मावळमधून १ कोटीहून अधिक फुलांची वाहतूक
मावळ तालुक्यातून यंदा देशांतर्गत आणि परदेशात मिळून १ कोटीहून अधिक फुलांची निर्यात व विक्री होणार असल्याचा अंदाज आहे. राज्यभरात दररोज होणारी फुलांची उलाढाल वेगळीच आहे. मात्र व्हॅलेंटाइन डेच्या निमित्ताने मावळातील लाल गुलाबांना सर्वाधिक मागणी मिळत असल्याचे चित्र आहे.
४ ते ५ कोटींची उलाढाल
दर्जेदार उत्पादन, योग्य नियोजन आणि बाजारपेठेची अचूक ओळख यामुळे दिलीप काळे यांच्या फुलशेतीतून यंदा ४ ते ५ कोटी रुपयांची उलाढाल अपेक्षित आहे. पारंपरिक पिकांपेक्षा फुलशेती अधिक फायदेशीर ठरत असल्याचे ते सांगतात.