4 मार्च 2025 मध्ये उत्तर प्रदेशच्या मेरठ इथं सौरभ राजपूत हत्याकांड प्रकरण घडलं होतं. सौरभची पत्नी मुस्कान गर्भवती होती आणि तिची तब्येत बिघडल्यानंतर तिला काही दिवसांपूर्वीच मेरठमधील एलएलआरएम मेडिकल कॉलेजमध्ये दाखल केलं होतं. तुरुंगात असताना तिची तब्येत सतत खालावत गेली, त्यामुळे तिला कडक सुरक्षेत स्त्रीरोग वॉर्डमध्ये दाखल करावं लागलं होतं. सोमवारी मुस्कानची नॉर्मल डिलिव्हरी झाली,तिने एका मुलीला जन्म दिला. विशेष म्हणजे, मृत सौरभचा त्या दिवशी वाढदिवस होता, त्याच दिवशी मुस्कानने मुलीला जन्म दिला.
advertisement
दरम्यान, आरोपी मुस्कानने तब्येतीची कारणं देत अनेक वेळा तुरूंग अधिकाऱ्यांकडे तक्रार केली होती. त्यानंतर तिला मेडिकल कॉलेजमध्ये हलवण्यात आलं. आता मुस्कानची प्रसूती पूर्णपणे सुरक्षित झाली आणि बाळ निरोगी आहे. प्रसूती कक्षातील डॉक्टरांनी सांगितलं की, मुस्कानने संध्याकाळी ६:५० वाजता सामान्य बाळाला जन्म दिला आणि सध्या ती वैद्यकीय देखरेखीखाली आहे.
मृत सौरभ राजपूतच्या कुटुंबाने केली DNA चाचणीची मागणी
पण आता नवीन पपेच निर्माण झाला आहे. मुस्कानने मुलीला जन्म दिला आहे. पण, ही मुलगी कुणाची आहे, असा प्रश्न मृत सौरभ राजपूतच्या कुटुंबीयांनी उपस्थितीत केला आहे. त्यामुळे मृत सौरभच्या कुटुंबाने नवजात बाळाच्या डीएनए चाचणी करण्याची मागणी केली आहे.
"जर डीएनए चाचणीत मुलगी आमच्या कुटुंबातील असल्याचं सिद्ध झालं तर आम्ही तिला दत्तक घेऊ आणि संगोपन करू" असं मृत सौरभ राजपूतच्या भावाने सांगितलं. तसंच, सत्य जाणून घेणं महत्वाचं आहे, कारण हे प्रकरण संवेदनशील आणि कायदेशीरदृष्ट्या महत्त्वाचं आहे. मुस्कानवर कडक देखरेख आहे, कुटुंब डीएनए चाचणीची वाट पाहत आहे. मुस्कानला मेडिकल कॉलेजमध्ये दाखल केल्यापासून सुरक्षा कडक करण्यात आली आहे. पोलीस कर्मचारी वॉर्डबाहेर तैनात आहेत आणि बाहेरील लोकांना तिला भेटण्याची परवानगी नाकारली आहे.
DNA चाचणीकडे लक्ष
कायदेशीर प्रक्रियेनुसार पुढील कारवाई केली जाईल आणि आई आणि बाळाला वैद्यकीय देखरेखीखाली ठेवलं जाईल. सौरभ खून प्रकरणाचा तपास अजूनही सुरू आहे आणि मुस्कान न्यायालयीन कोठडीत आहे. पण, मुलीच्या जन्मामुळे या प्रकरणात एक नवीन वळण आलं आहे. आता सर्वांच्या नजरा येणाऱ्या डीएनए अहवालावर आणि कायदेशीर कारवाईवर लागल्या आहेत.