TRENDING:
पंचिंग बॅगऐवजी थेट आयुषवर प्रहार
नेमकं काय घडलं? तर रितेश भाऊंनी स्पर्धकांसाठी एक आगळावेगळा टास्क आणला होता. समोर एक पंचिंग बॅग होती आणि ज्या स्पर्धकाचा तुम्हाला सर्वात जास्त त्रास होतोय, त्याचा फोटो त्या बॅगवर लावून आपला राग व्यक्त करायचा होता. जेव्हा तन्वीची वेळ आली, तेव्हा तिने कोणा शत्रूचा नाही तर आपला जवळचा मित्र म्हणवणाऱ्या आयुषचा फोटो लावला.
advertisement
तन्वी संतापून म्हणाली, "मी याला हजारवेळा सांगितलंय की मी तुझ्यामध्ये माझा बेस्ट फ्रेंड शोधतेय, पण याला काहीच कळत नाहीये." त्यावर आयुषनेही तितक्याच रोखठोकपणे उत्तर दिलं की, "मी तुला आधीच स्पष्ट केलंय की मी तुझ्या अपेक्षा पूर्ण करू शकत नाही." आयुषचं हे वाक्य ऐकताच तन्वीचा संयम सुटला. तिने पंचिंग बॅग बाजूला सारली आणि थेट समोर बसलेल्या आयुषला मारलं. हा प्रकार पाहून स्वतः रितेश भाऊ आणि घरातील इतर सदस्यही अवाक झाले.
मैत्री की प्रेम? प्रेक्षकांचे तर्कवितर्क
तन्वीचं हे वागणं पाहून सोशल मीडियावर कमेंट्सचा महापूर आला आहे. अनेकांना असं वाटतंय की हे केवळ मैत्रीचं भांडण नाही. काही प्रेक्षक मात्र तन्वीवर नाराज आहेत. "भाऊच्या धक्क्यावर असं कृत्य करणं तिला महागात पडू शकतं, ती घराबाहेर जाईल का?" असा प्रश्नही विचारला जातोय.
आता रितेश भाऊ काय करणार?
बिग बॉसच्या घरात शारीरिक हिंसा कधीच खपवून घेतली जात नाही, त्यातही हा प्रकार थेट रितेश देशमुख समोर घडला आहे. तन्वीला या कृत्यासाठी 'ब्लॅक कार्ड' मिळणार की तिला थेट घराबाहेरचा रस्ता दाखवला जाणार? आयुष खरोखरच तन्वीला मुद्दाम टाळतोय का? या सर्व प्रश्नांची उत्तरं आजच्या भागात मिळणार आहेत.