TRENDING:
निळ्या साडीनंतर गिरीजा ओक आता भाषेमुळे चर्चेत आली आहे. गिरीजा ओकचा एक व्हिडीओ सोशल मीडियावर व्हायरल होतो आहे. ज्यात ती गुजराती भाषेत बोलताना दिसते आहे. गिरीजाने स्वत:च तिच्या इन्स्टाग्राम अकाऊंटवर हा व्हिडीओ पोस्ट केला आहे. ज्यात ती सांगते की काही दिवसांपूर्वी एका कार्यक्रमात ती गुजराती बोलत होती, तेव्हा अनेकांना आश्चर्य वाटलं. इतकं छान गुजराती कशी काय बोलते, तू गुजराती आहेस का? असा प्रश्न अनेकांनी तिला विचारलं. याच प्रश्नाचं उत्तर देणारा व्हिडीओ गिरीजाने शेअर केला आहे. ज्यात तिने ती इतकं छान गुजराती कसं बोलते, तिचं गुजरातीशी कनेक्शन काय हे स्पष्टपणे सांगितलं आहे.
advertisement
Bigg Boss Marathi 6 : दिव्यानंतर या सदस्याचा नंबर, 'बिग बॉस'नंतर भाऊचाही मोठा धक्का?
व्हिडीओत गिरीजा सांगते, मी काही दिवसांपूर्वी एका कार्यक्रमात गुजराती बोलले तेव्हा अनेकांनी मला गुजराती कसं येतं, मी गुजराती आहे का? असे प्रश्न विचारले. तर मी मराठीच आहे, पण मला गुजराती आवडतं. मी जिथं राहायचे, लहानाचे मोठे झाले, माझं शाळा-कॉलेजचं शिक्षण झालं ते ठिकाण म्हणजे मुंबईतील कांदिवली. जिथं खूप गुजरातील लोक राहतात. त्यामुळे माझं गुजराती चांगलं आहे. मला गुजराती बोलता येते, वाचता येते, लिहायलाही आवडेल पण तितकं लिहिता येत नाही.
हा व्हिडीओ गिरीजाने पूर्णपणे गुजरातीत केला आहे, तिचं हे टॅलेंट पाहून चाहते थक्क झाले आहेत. मराठी चाहत्यांसह गुजरातींनीही तिच्या व्हिडीओवर कमेंट केले आहेत. ती गुजरातींपेक्षाही खूप छान गुजराती बोलत असल्याची प्रतिक्रिया काही गुजराती नेटिझन्सनी दिली आहे. असं काय आहे, जे तुला येत नाही? असंही एका युझरने विचारलं आहे.