TRENDING:
बिग बॉसच्या घरात सकाळची सुरुवात गाण्यांनी होते. मात्र याच गोष्टीवरून राखी आणि अनुश्रीमध्ये वादाची ठिणगी पडली. अनुश्री झोपेत असताना राखीनं तिचं पांघरूण काढते. यामुळे अनुश्री चिडली आणि राखीला थेट विचारलं, "मी झोपलेले असताना तू माझं पांघरूण का काढलंस? मला बिलकुल नाही आवडत. प्लीज."
( विशालच्या हातात बिग बॉसची ताकद! Power Key घेणार काढून; कोणाचा गेम पालटणार, VIDEO )
advertisement
अनुश्रीच्या या प्रश्नावर राखीनं तिच्या नेहमीच्या अंदाजात उत्तर दिलं. ती म्हणाली, "म्हणून ते चार चार वेळा गाणं लावतात आणि माझ्या डोक्याची नस फाटते." यावर अनुश्री म्हणते, "ते ऑलवेज चार चार वेळाच गाणं लावतात," असं ती म्हणाली. राखी म्हणाली, "त्यांचा कोंबडा चार चार वेळा वाजतो म्हणून मी तुझ्याकडे आले आणि तुझा कोंबडा (पांघरूण) खाली घेतला".
राखीच्या या बोलण्यावर अनुश्री चिडली. ती म्हणाली, "मी तर झिंज्या पकडते, झिंज्या". यावर राखीनं अनुश्रीला ठणकावून सांगितलं, "हे असं नाही चालणार. बिग बॉस माझं डोकं फिरवणार सकाळी सकाळी. गाण्यांवर गाणी लावणार".
वाद इथेच थांबला नाही. अनुश्रीनं राखीला सुनावत म्हटलं, ठकानात बोटं घालून गप्प बसत जा मग. ऐकत नको जाऊ गाणी." राखी आणि अनुश्रीमधील वातावरण चांगलंच तापलं आहे. अनुश्रीनं राखीसोबत पंगा घेतला. आता राखी तिला कसा इंगा दाखवणार हे येणाऱ्या एपिसोडमध्ये पाहायला मिळेल.