TRENDING:
नेमकं घडलं काय?
कल्याण पूर्वेतील आडीवली ढोकळी परिसरात किरकोळ कारणावरून झालेल्या वादाचे रूपांतर धक्कादायक घटनेत झाले. लिफ्टमध्ये कपडे आणि ट्रॉली का ठेवली यावरून हा वाद सुरू झाला. या प्रकरणात मिथिलेशकुमार जलेश्वर राम यांना मारहाण करण्यात आल्याची घटना समोर आली आहे.
लिफ्टमधील ट्रॉली ठरली वादाचं मूळ
मिळालेल्या माहितीनुसार, इमारतीच्या लिफ्टमध्ये कपडे आणि ट्रॉली ठेवण्यावरून आशिष, प्रिन्स आणि लॉजी या तिघांनी मिथिलेशकुमार यांच्याशी वाद घातला. वाद वाढत जाऊन त्यांनी मिथिलेशकुमार यांना मारहाण केली. ही मारहाण थांबवण्यासाठी त्यांचा भाऊ ओमप्रकाश आणि मेहूणा छोटकुमार यांनी हस्तक्षेप केला. मात्र त्यांनाही आरोपींकडून मारहाण करण्यात आली.
advertisement
या घटनेत मिथिलेशकुमार, ओमप्रकाश आणि छोटकुमार हे तिघे जखमी झाले. जखमींना उपचारासाठी रुग्णालयात दाखल करण्यात आले आहे. या प्रकरणी मानपाडा पोलिस ठाण्यात तिघांविरोधात गुन्हा नोंदवण्यात आला असून पुढील तपास पोलिसांकडून सुरू आहे. इमारतीत लहान कारणांवरून होणारे वाद गंभीर स्वरूप धारण करत असल्याने परिसरात चिंतेचे वातावरण आहे.