गुड न्यूज! नाशिक-मुंबई रेल्वे मार्गावरील प्रवास होणार गारेगार; एसी लोकल कधी धावणार?

आता भाजप नेते आणि मंत्री गिरीश महाजन यांनी मुंबई-नाशिक एसी लोकल सुरू करण्याबाबत सकारात्मक माहिती दिली आहे. एका सार्वजनिक कार्यक्रमात बोलताना त्यांनी सांगितले की ही एसी लोकल सेवा सुरू झाल्यास मुंबई ते नाशिक प्रवास अवघ्या दोन तासांत पूर्ण करता येईल.

सध्या कसाऱ्यापर्यंत धावणारी लोकल नाशिकपर्यंत वाढवण्याचा प्रयत्न सुरू आहे. मात्र कसारा घाटातील तांत्रिक अडचणींमुळे साधी लोकल सेवा सुरू होऊ शकली नाही. मात्र एसी लोकलसाठी अडथळे नाहीत, असे त्यांनी स्पष्ट केले. या प्रकल्पामुळे दोन्ही शहरांतील प्रवास सोयीचा होईलच पण औद्योगिक आणि आर्थिक विकासालाही चालना मिळेल असा विश्वास त्यांनी व्यक्त केला.