IND vs SA : आफ्रिकेचा माईंडगेम, मॅचच्या 24 तासाआधी टीम इंडियाची दाबली दुखरी नस

टी20 वर्ल्ड कपच्या सूपर 8 मध्ये उद्या रविवारी 22 फेब्रुवारी 2026 ला भारत आणि साऊथ आफ्रिका यांच्यात सामना पार पडणार आहे.हा सामना नरेंद्र मोदी स्टेडिअमवर खेळवणार आहे.

या सामन्यासाठी दोन्ही संघ मैदानात कसून सराव करताय. उद्या त्यांच्यात लढत आहे. या लढतीसाठी चाहते प्रचंड उत्सुक आहेत.

असे असताना सामन्याला 24 तासाचा कालावधी उरला असतान साऊथ आफ्रिकेने माइंड गेम खेळायला सूरूवात केली आहे.

साऊथ आफ्रिकेचे कोच शुक्री कॉनराड यांनी सराव सत्रादरम्यान माध्यमांशी संवाद साधला होता. या दरम्यान बोलताना त्यांनी यजमान भारतावर दबाव असल्याचे विधान केले आहे.

"दोन्ही संघ दबावाखाली आहेत, परंतु गतविजेते म्हणून भारताला अधिक दबाव जाणवेल. दक्षिण आफ्रिका दबाव स्वीकारेल आणि त्याचा फायदा घेईल, त्या दबावाने दबून जाण्याऐवजी," असे शुक्री कॉनराड म्हणाले आहेत.

"भारतीय संघावर उपांत्य फेरी आणि अंतिम फेरीत पोहोचण्यासाठी दबाव असेल. आशा आहे की, आपण त्यांना उघड करू शकू आणि त्या दबावाखाली त्यांना कमकुवत बनवू शकू,असे देखील कॉनराड यांनी सांगितले.

दरम्यान आता आफ्रिकेच्या या माईंड गेमचा भारतावर किती परिणाम होतो? हे पाहणे महत्वाचे ठरणार आहे.