Pakistan Semifinal Scenario : पाकिस्तान सेमीफायनलमध्ये पोहोचू शकेल का? असं झालं तर चमत्कारच घडेल! पाहा कारण काय?

श्रीलंकेच्या प्रेमदासा स्टेडियमवर पावसाने हजेरी लावल्याने पाकिस्तानला मोठं नुकसान झालं. त्यांना स्पिनर्स फ्रेंडली पीचवरून फक्त एकच पाईंट कमवता आला. पाकिस्तानकडे ही एकच संधी होती, ज्यामध्ये त्यांना मोठी उडी घेता आली असती. आता पाकिस्तान आगामी सामने टफ असणार आहेत. पाकिस्तानचे आगामी सामने श्रीलंकेच्या कँडीच्या मैदानावर असणार आहे. इथलं पीच पाटा असल्याने इथं पाकिस्तानच्या स्पिनर्सला काहीही मदत मिळणार नाही.

कँडीच्या मैदानात स्पिनर्सला काहीही फायदा होत नाही तर बॅटर्ससाठी हे पीच फायद्याचं ठरतं. अशातच आता पाकिस्तानच्या फास्टर्स बॉलर्सची तर वाट लागली आहे. पाकिस्तानचा प्रिमियम बॉलर शाहीन शाह आफ्रिदी फॉर्ममध्ये नसल्याने पाकिस्तानला मोठ्या संकटाचा सामना करावा लागतोय. आता नव्या बॉलर्सच्या भरोशावर पाकिस्तानला मैदानात उतरावं लागेल.

दरम्यान, पाकिस्तानला जर सेमीफायनलमध्ये पोहोचायचं असेल तर त्यांना कमीतकमी 5 ते 6 पाईंट्स हवे आहेत. अशातच आता पाकिस्तानला उर्वरित 2 पैकी दोन्ही मॅच जिंकाव्या लागतील.पाकिस्तानचा पुढील सामना 24 फेब्रुवारी रोजी इंग्लंडविरुद्ध असेल, तर न्यूझीलंडचा पुढील सामना 25 फेब्रुवारी रोजी श्रीलंकेविरुद्ध असेल. त्यानंतर 27 फेब्रुवारी रोजी न्यूझीलंडचा सामना इंग्लंडशी होईल आणि 28 फेब्रुवारी रोजी श्रीलंकेचा सामना पाकिस्तानशी होईल. त्यामुळे आता उत्सुकता शिगेला पोहोचली आहे.