Success Story : शेतकऱ्याचा प्रयोग भारी, अर्ध्या एकरमध्ये केली आंतरपीक शेती, 2 लाख उत्पन्न

कांतीलाल यांनी गेल्या मे महिन्यात आपल्या अर्ध्या एकर शेतात 15 बाय 7 अंतरावर शेवग्याची लागवड केली होती. केवळ मुख्य पिकावर विसंबून न राहता, त्यांनी जमिनीचा आणि पाण्याचा पुरेपूर वापर करण्यासाठी शेवग्याच्या दोन ओळींमधील रिकाम्या जागेत उन्हाळी कांदा, पालक, चुका आणि कोथिंबीर यांसारखी आंतरपिके घेण्याचे धाडस केले.

या संपूर्ण प्रयोगासाठी कांतीलाल यांना केवळ 25 हजार रुपये खर्च आला. आंतरपिकांच्या विक्रीतून खर्च वजा जाता आतापर्यंत 90 हजार रुपयांचा निव्वळ नफा मिळाला आहे. येत्या काळात शेवग्याच्या शेंगांतून सुमारे 1 लाख रुपयांचे अतिरिक्त उत्पन्न मिळण्याची  शक्यता आहे. कमी जागेत पिकांचे योग्य नियोजन केल्यास शेती नक्कीच फायदेशीर ठरते. योग्य अंतर आणि बाजारपेठेचा अभ्यास असेल तर अर्ध्या एकरातूनही 2 लाखांपर्यंत उत्पन्न घेता येते, असा विश्वास कांतीलाल राऊत यांनी व्यक्त केला आहे.