TRENDING:
नेमकं घडलं काय?
मिळालेल्या माहितीनुसार, कल्याण रेल्वे स्थानकासमोरील नाल्यात रविवारी एका महिलेचा अर्धवट जळालेल्या अवस्थेत मृतदेह आढळला. ही माहिती मिळताच महात्मा पोलिस स्टेशन येथील पोलिसांनी तात्काळ घटनास्थळी धाव घेतली आणि मृतदेह ताब्यात घेतला.
प्राथमिक माहितीनुसार मृत महिला भिकारी असावी असा अंदाज व्यक्त केला जात आहे. तिने स्वतःला पेटवून घेतले असावे अशी शक्यता पोलिसांनी वर्तवली आहे. मात्र हा आत्महत्येचा प्रकार आहे की घातपात हे अद्याप स्पष्ट झालेले नाही. मृत्यूचे नेमके कारण समजण्यासाठी मृतदेह शवविच्छेदनासाठी रुग्णालयात पाठवण्यात आला आहे.
advertisement
मृत महिलेची ओळख पटवण्यासाठी प्रयत्न सुरू
नाल्याजवळ जळालेल्या वस्तू आणि महिलेचा मृतदेह आढळून आल्याने स्थानिक नागरिकांनी लगेच पोलिसांना कळवले. पोलिस सध्या परिसरातील सीसीटीव्ही फुटेज तपासत असून प्रत्यक्षदर्शींचीही चौकशी करत आहेत. महिलेची ओळख पटवण्याचे प्रयत्न सुरू आहेत.
दरम्यान कल्याण स्टेशन परिसरात भिकाऱ्यांचा वावर मोठ्या प्रमाणात असतो. काही वेळा त्यांच्यात वाद किंवा भांडणे होत असल्याची माहिती स्थानिक दुकानदारांनी दिली आहे. या प्रकरणाचा तपास सुरू असून पुढील माहिती पोलिस तपासानंतरच स्पष्ट होणार आहे.