Tulsi Tea: स्वस्थ राहायचं आहे मग प्या ‘हा’ चहा; होतील अनेक फायदे

तुळशीच्या चहाचे फायदे

तुळशीचा चहा आरोग्यासाठी सर्वात फायदेशीर आहे.तुळशीत असलेल्या अनेक पोषक तत्त्वांमुळे शरीराला अनेक फायदे होतात. तुळशीमध्ये कॅल्शियम, व्हिटॅमिन ए, सी आणि फॉस्फरस इत्यादीसारखे महत्त्वाचे घटक असतात. तुळस ही अँटीव्हायरल, अँटीफंगल, अँटीबॅक्टेरियल, अँटी-इंफ्लेमेटरी म्हणूनही काम करते.

ब्लडप्रेशर नियंत्रणात येतं

सकाळी उठल्यावर एक कप तुळशीचा चहा प्यायल्यास ब्लडप्रेशर नियंत्रित राहायला मदत होते. तुळशीमध्ये असलेले पोटॅशियम आणि अँटी हायपरटेन्सिव्हमुळे रक्तदाब कमी होतो. जर तुम्हाला ब्लडप्रेशरचा त्रास असेल सकाळी तुळशीचा चहा पिण्याचा सल्ला डॉक्टर देतात.

advertisement

लठ्ठपणा कमी होतो

जे लोक लठ्ठ आहेत त्यांच्यासाठी तुळशीचा चहा अमृततुल्य आहे. तुळशीत असलेल्या फायबर्समुळे पोट दीर्घकाळ भरलेलं राहतं. त्यामुळे तुळशीचा चहा प्यायल्याने लठ्ठपणा सहज कमी करता येतो.

तणाव दूर होतो

तुम्ही मानसिक तणावात असाल तर रोज सकाळी तुळशीचा चहा प्या. तुळशीच्या पानांमध्ये असलेले अँटी-स्ट्रेसमुळे ताण दूर होतो. सकाळी तुळशीचा चहा प्यायल्याने तुम्हाला फ्रेश वाटेल आणि तुमचा मूडही दिवसभर चांगला राहील.

पचन सुधारतं

सकाळी तुळशीचा चहा प्यायल्याने पचनशक्ती मजबूत होते. तुळशीच्या चहामध्ये असलेले फायबर पचनाच्या अनेक समस्यांना दूर करते.

चांगली झोप

तुळशीमध्ये अँटी-डिप्रेशन आणि अँटी-स्ट्रेस गुणधर्म आढळतात ज्यामुळे निद्रानाशाची समस्या दूर होते आणि चांगली झोप येण्यास मदत होते.