मुंबईहून आलेली महिला; खरेदीसाठी तुळशीबागेत गेली अन् आला भयंकर अनुभव, लगेचच पोलिसात धाव

पुणे: कपडे, दागिने आणि घरगुती वस्तूंच्या खरेदीसाठी महिलांची पहिली पसंती म्हणजे तुळशीबाग. इथे जवळपास दररोजच खरेदीसाठी मोठी गर्दी पाहायला मिळते. मात्र, याच पुण्याच्या तुळशीबागेत पुन्हा एकदा चोरीची मोठी घटना घडली आहे. मुंबईहून पुण्यात खरेदीसाठी आलेल्या एका महिलेच्या पर्समधून चोरट्याने चक्क दीड लाख रुपये किमतीचे सोन्याचे दागिने लंपास केले आहेत. या प्रकरणी विश्रामबाग पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पोलीस आता सीसीटीव्ही फुटेजच्या मदतीने चोरट्याचा माग काढत आहेत.