'सिन्नर सोडून पळून जा', खरातने अजब सल्ला दिलेला युवक आता नगरसेवक, नेमकी भानगड काय?

नाशिकचा भोंदूबाबा अशोक खरातने महिलांवर अत्याचार करण्यासह अनेक व्यावसायिक, राजकीय नेते आणि सामान्य नागरिकांना गंडा घातल्याच्या अनेक कथा समोर येत आहेत. आता अशोक खरातच्या भोंदूगिरीची अशीच एक कथा समोर आली आहे. व्यवसायात धडपड करणाऱ्या एका तरुणाला खरातने १५ वर्षांपूर्वी सिन्नर सोडून पळून जाण्याचा सल्ला दिला होता. मात्र या तरुणाने अशोक खरातची खरडपट्टी केली होती. त्याला शेलक्या शब्दात सुनावलं होतं. या तरुणाने अशोक खरातच्या भोंदूगिरीचा बुरखा फाडला होता. एका स्थानिक मराठी वृत्तपत्राने याबाबतचा जुन्ना किस्सा सांगितला आहे.