Bus Accident : प्रवाशांनी खचाखच भरलेली बस पद्मा नदीत कोसळली, काळजाचा थरकाप उडवणारा Video

ढाका: बांगलादेशातील राजबारी जिल्ह्यात बुधवारी संध्याकाळी एक काळजाचा थरकाप उडवणारी दुर्घटना घडली. दौलतदिया फेरी टर्मिनलजवळ प्रवाशांनी खचाखच भरलेली एक बस थेट पद्मा नदीत कोसळली. या भीषण अपघातात आतापर्यंत २३ प्रवाशांचे मृतदेह बाहेर काढण्यात आले असून, अनेक जण अजूनही बेपत्ता आहेत. मृतांचा आकडा वाढण्याची भीती व्यक्त केली जात आहे. रात्रभर बचाव कार्य सुरू होते. काही प्रवासी सुखरुप वाचले. मात्र,अनेक प्रवाशांना बस बाहेर पडता आले नसल्याचे काहींनी सांगितले आहे.