रस्त्यात अडवून पुण्यातील तरुणीकडे मागितले 20 लाख रुपये, नकार मिळताच तरुणानं केलं असं कृत्य की खळबळ

मिळालेल्या माहितीनुसार, हा सर्व प्रकार २५ डिसेंबर २०२५ पासून सुरू होता. आरोपी विजयसिंह हा गेल्या काही महिन्यांपासून पीडित तरुणीचा सतत पाठलाग करत होता. त्याने तरुणीला रस्त्यात अडवून तिच्याकडे २० लाख रुपयांची मागणी केली. "जर पैसे दिले नाहीत, तर तुझे खाजगी फोटो सार्वजनिक करेन," अशी धमकी त्याने दिली होती. तरुणीने या मागणीला भीक न घातल्याने संतापलेल्या आरोपीने तिचे काही अश्लील फोटो सोशल मीडिया प्लॅटफॉर्मवर अपलोड केले.