Petrol-Diesel Price : आज 'या' शहरांमध्ये वाढले पेट्रोल-डिझेलचे भाव! घराबाहेर पडण्यापूर्वी घ्या जाणून

नवी दिल्ली : पेट्रोल-डिझेल हे आपल्या रोजच्या वापरातील महत्त्वाचा घटक आहे. कारण दळणवळणासाठी याची आपल्याला रोजच गरज पडते. याच्या किंमतीचा सर्वसामान्यांच्या जीवनावर परिणाम होतो. सध्या क्रूडच्या किंमती सातत्याने कमी जास्त होताय. दरम्यान एक दिवसपूर्वी क्रूड 97 डॉलरच्या आसपास होता. तो आज 103 डॉलरवर आहे. म्हणजे किंमतीत वाढ झाली आहे.

तसं पाहिल्यास या किंमती गेल्या काही दिवसांच्या तुलनेत कमी आहे. मात्र किरकोळ मार्केटवर याचा सहज परिणाम होतो. सरकारी तेल कंपन्यांकडून गुरूवारी सकाळी पेट्रोल-डिझेलच्या किरकोळ किंमतींवरही याचा परिणाम दिसला. आज अनेक शहरांमध्ये इंधनाच्या किंमती या सलग दुसऱ्या दिवस वाढल्या आहेत.

सरकारी तेल कंपन्यांनी सांगितल्यानुसार, नोएडामध्ये सलग दुसऱ्या दिवशी पेट्रोल 22 पैशांनी महाग होऊन 95.12 रुपये लिटरने विकलं जातंय. तर डिझेलच्या किंमतीत 28 पैशांनी वाढ झालीये. ते 88.29 रुपये लिटरच्या भावावर पोहचलंय.

बिहारची राजधानी पटनामध्येही पेट्रोल सलग दुसऱ्या दिवशी 36 पैशांनी महागलंय. ते 105.59 रुपये लिटरने विकलं जातंय. तर डिझेलच्या किंमतीत 33 पैशांची वाढ झालीये. ते 91.82 रुपये लिटर विकलं जातंय.

महाराष्ट्रातील प्रमुख शहरं, मुंबईमध्ये पेट्रोलच्या किंमती या 104.21 रुपये प्रति लिटर आहेत. डिझेल 92.15 रुपये प्रति लिटरवर विकलं जातंय. पुण्यात पेट्रोलचा भाव 104.04 रुपये प्रति लिटर आहे. तर डिझेल 90.57 रुपये प्रति लिटरवर विकलं जातंय. नाशिकमध्ये पेट्रोलचा दर 95.50 रुपये प्रति लिटर आहेत. तर डिझेल हे 89.50 रुपये प्रति लिटर विकलं जातंय. या शहरांमध्ये इंधनाच्या किंमतीत जास्त वाढ झालेली नाही.

कच्च्या तेलाविषयी बोलायचं झाल्यास 24 तासात याच्या किंमतीत मोठी घसरण दिसतेय. ब्रेंट क्रूडचा भाव मोठ्या वाढीसह 103 डॉलर प्रति बॅरलवर पोहोचलाय. डब्ल्यूआयचा भावही वेगाने वर आलाय आणि मोठ्या वाढीसह 91.17 डॉलर प्रति बॅरलवर पोहोचलाय.

गेल्या दोन वर्षांपासून किंमती स्थिर का? : मे 2022 नंतरपासून केंद्र आणि अनेक राज्यद्वारे टॅक्समध्ये कपात करण्यात आली. ज्यानंतर पेट्रोल-डिझेलच्या किंमतींमध्ये स्थिरता पाहायला मिळतेय. खरंतर आंतरराष्ट्रीय बाजारात चढ-उतार होत राहतो. तरीही भारतीय उपभोक्सांसाठी किंमती तुलनात्मकरित्या स्थिर राहिल्या आहेत.